કેવી હશે અમેરિકાની સંભવિત વેપારનીતિ અને એની અસર?

વરસ ૨૦૨૪ પૂર્ણતાના આરે છે ત્યારે આપણી નજર આવતા વરસ પર હોય એ સહજ છે. એમાંય વિશેષ ધ્યાન અમેરિકા અને પ્રમુખ ડોનાલ્ડ ટ્રમ્પ પર હશે. આ વખતે ટ્રમ્પ કંઈક વિશેષ આક્રમકતા સાથે સત્તા પર આવ્યા છે અને એમની નવી નીતિની અસર વિશ્વ-વેપાર પર થવાની શક્યતા ઊંચી છે, જેમાં ભારત માટે ક્યાંક ચિંતા અને ક્યાંક રાહતની ધારણા પણ છે.

- જયેશ ચિતલિયા

સમગ્ર વિશ્વ પર અત્યારે રશિયા-યુક્રેન યુદ્ધ, ઈઝરાયલ-ઈરાન ઘર્ષણ, ચીનનાં પ્રત્યક્ષ યા પરોક્ષ પગલાં જેવી વિવિધ ઘટનાની અસર છે. મોટા ભાગના દેશોનાં અર્થતંત્ર તકલીફમાં છે અને અનિશ્ચિતતાની લટકતી તલવાર નીચે ઊભાં છે. આવા માહોલમાં અમેરિકાના નવા પ્રમુખ ડોનાલ્ડ ટ્રમ્પ સત્તા પર આવતાંની સાથે કેવી વેપારનીતિ અપનાવશે એના પર સૌની મીટ છે. જો કે ભારતને આ મામલે ચિંતા ઓછી અને આશા વધુ છે, કારણ કે અમેરિકા અત્યારના તબક્કે ચીન કરતાં ભારતને વધુ મહત્ત્વ આપી રહ્યું છે.

અમેરિકાના પ્રમુખ ડોનાલ્ડ ટ્રમ્પ દ્વારા અપાયેલા સંકેત મુજબ ૨૦ જાન્યુઆરીએ પ્રમુખપદ સંભાળ્યા બાદ એ અમેરિકાના ત્રણ સૌથી મોટા વેપાર ભાગીદાર દેશ-કેનેડા, મેક્સિકો અને ચીનને લક્ષ્ય બનાવતાં એક c પર સહી કરવાના છે. આમાં કેનેડા અને મેક્સિકોમાંથી કરાતી તમામ આયાત પર પચ્ચીસ ટકા વધારાનો ટૅક્સ લાદવામાં આવશે, જ્યારે ચીનમાંથી આયાત કરાતા માલ પર ૧૦ ટકા વધુ ટૅક્સ લાગુ કરાશે. કહેવાય છે કે ટ્રમ્પનાં કરવેરાનાં પગલાંની પહેલી યાદીમાં ભારતનો સમાવેશ કરાયો નથી.

ભારત માટે કઈ તક?