ફિલ્મમાં કામ મળવું એ જ સૌથી મોટો પડકાર...

મળો, રણબીરના જીજાજીને એટલે કે ફિલ્મ ‘એનિમલ’ના અભિનેતા સિદ્ધાંત કણિકને.

- નિરાલી કાલાણી (મુંબઈ)

ઍડ ફિલ્મ્સ, મોડેલિંગ, સિરિયલ અને પછી ફિલ્મ... અચાનક એક કૉલ આવે છે, ડિરેક્ટર મળવા બોલાવે છે અને ઑડિશન વિના જ એનિમલ ફિલ્મમાં અને મહત્ત્વનો રોલ મળે છે. એક ક્ષણ માટે લાગે, અચાનક! પણ પાછળ ફરીને જોઈએ એટલે થાય કે અચાનક કંઈ નથી, આની પાછળ ૨૦ વર્ષ ટીવી-ફિલ્મ ક્ષેત્રે કરેલી મહેનત છે. આ અભિનેતા એટલે સિદ્ધાંત કર્ણિક.

સિદ્ધાંતનો જન્મ મુંબઈમાં. પિતાજી આર્મીમાં હોવાથી શિસ્તના માહોલમાં ઉછેર. કરિયરની શરૂઆત કોકો કોલા અંડથી થઈ. ૨૦૦૪માં ટીવીસિરીઝ રિમિક્સ મળી અને પછી ઘણી સિરિયલમાં અભિનય કર્યો. એક થા રાજા એક થી રાની એ ટીવીસિરિયલના લીડ રોલને કારણે સિદ્ધાંતને ખાસ્સી લોકપ્રિયતા મળી. ધીમે ધીમે ટીવીમાંથી બોલીવૂડ તરફ ડગલાં માંડ્યાં અને આદિપુરુષ તથા થપ્પડ પછી એના હાથમાં આવી એનિમલ. આ ફિલ્મમાં રણબીરના જીજાજી (વરુણ પ્રતાપ મલ્હોત્રા)ના પાત્રથી સિદ્ધાંતનું નામ બોલીવૂડમાં બોલાતું થયું. પ્રસ્તુત છે ચિત્રલેખા ડિજિટલ સાથે સિદ્ધાંત કર્ણિકની મુલાકાતના અંશ...

ચિત્રલેખાઃ એક્ટિંગનો વિચાર ક્યાંથી આવ્યો?