યર ફ્રેન્ડમાં રો બાગબાનીનું રિ-કેપ...

આખા વર્ષમાં ગાર્ડનિંગની જે ટ્રિક્સ-ટેક્નિક શીખ્યાં એમાં આગળ વધતાં પહેલાં થોડું રિવિઝન કરવાનું આવશ્યક છે.

- પૂર્વી શાહ

મેંચમાં ચોગ્ગા-છગ્ગા ફટકારનારા પણ સમય મળે ત્યારે નેટ પ્રેક્ટિસ અચૂક કરતા હોય છે એ ન્યાયે બાગબાનીના અભ્યાસમાં પણ થોડા સમય પછી પુનરાવર્તન કરવું જોઈએ.

બગીચો બનાવતી વખતે સૌથી પહેલાં યાદ રાખવાનું કે આપણે પ્લાન્ટ્સના માધ્યમથી બ્રહ્માંડની ઊર્જા, સૂર્યપ્રકાશ, હવામાં રહેલા ઑક્સિજન, હાઈડ્રોજન, વગેરેનું હાર્વેસ્ટિંગ કરી રહ્યાં છીએ. એમાં સૌથી મહત્ત્વનું તત્ત્વ સૂર્યપ્રકાશ છે. કોઈ પણ ગાર્ડનની ડિઝાઈન, પ્લાન એને મળનાર સન લાઈટની દિશા અને માત્રા જોઈને જ નક્કી કરવી જોઈએ.

બીજી મહત્ત્વની વાત એ કે વનસ્પતિ જીવંત પદાર્થ હોવાથી આપણી જેમ અલગ અલગ મિજાજ રાખે છે. ક્યારેક મોજમાં હોય તો ક્યારેક મૂરઝાયેલી. ગાર્ડનિંગને ફક્ત ખર્ચાળ શોખ બનાવી રાખવું હોય અને એન્જોય કરવું વનસ્પતિની સંવેદના સમજતાં શીખવું જોઈએ. આપણે ઉજ્વળ ભવિષ્યના લક્ષ્ય સાથે બાળઉછેર કરતાં હોઈએ છીએ એવા જ પોઝિટિવ વિચાર સાથે પ્લાન્ટનો ઉછેર પણ કરવો. પ્લાન્ટ સાથે વાત કરવી, એની પાસે બેસીને મંત્રોચ્ચાર કરવા, હળવું સંગીત લગાડીને બેસવું એ રોજનો ક્રમ હોવો જોઈએ.