ભગવાન તમારું ભલું કરે...

લઈને હજાર હાથ ઊભો હો સામે દિવ્ય નજર આ આંખે કદાચ નહીં હોય જે કંઈ મળ્યું એ એની પરમ કૃપા છે બાકીનું મારી માટે કદાચ નહીં હોય. – અમિત ટેલર

- હિતેન આનંદપરા

નવરાત્રિનું નૂર હજી વર્તાઈ રહ્યું છે ત્યારે આપણે એ પરમ ચૈતન્ય પાસેથી કંઈક ગ્રહણ કરવાનું છે. ઘણી વાર એવું લાગે કે આપણી સોચને ગ્રહણ લાગી ગયું છે, એને કારણે આપણે નકારનો મહિમા કરતા થઈ ગયા છીએ. આપણી પાસે જે છે એની પડી નથી અને જે નથી એની કડી જોડતા જઈએ છીએ. તાજેતરમાં વિશ્વ દૃષ્ટિ દિવસ નિમિત્તે પ્રજ્ઞાચક્ષુ કવિઓનું કવિસંમેલન યોજાયું હતું. એમાં અમદાવાદ, બોટાદ, ધ્રાંગધ્રા અને વડોદરાથી રણછોડભાઈ સોની, આશિકઅલી હીરાણી, લાભુભાઈ લાવરિયા, અનિકેત પરમાર, યાહ્યા સપાટવાલા અને સ્વરકાર-ગાયક પીયૂષ દવે સામેલ હતા. ગઝલો અને સ્વરાંકનો સાંભળી વાહ નીકળી ગઈ. એમનું કલ્પનાજગત ખરેખર વિસ્મિત કરે એવું હતું. દેખતા કવિઓ દશ્યો, અનુભવ અને કલ્પનાજગતને કવિતામાં ઉતારતા હોય છે.  પ્રજ્ઞાચક્ષુ મિત્રોની રચના સાંભળી ખયાલ આવ્યો કે આ કવિમિત્રો દશ્યોથી ભલે વંચિત રહ્યા છે, પણ અદ્દેશ્યથી અળગા નથી