કન્યાશિક્ષણની ઉજ્વળ શતાબ્દી

મૅનેજિંગ ટ્રસ્ટી મીના ખેતાણી: સંસ્થા તરફથી મળતી મદદને કારણે ઘણાં કુટુંબ એમની દિકરીઓને ભણાવતાં થયાં છે.

- 

મહારાજ સાહેબ, અમને શિક્ષણ ક્ષેત્રે કંઈ કરવાની ઈચ્છા છે..

– તો પછી પાઠશાળા શરૂ કરો, વાલીઓ ધાર્મિક શિક્ષણ માટે એમની દીકરીઓને મોકલતા થાય પછી ધીમે ધીમે પાઠશાળાને કન્યાશાળામાં ફેરવી નાખજો. અને હા, એકેય રૂપિયાની ફી લેશો નહીં.

૧૯૨૪ના ચોમાસામાં પંડિત રત્નચંદ્રજી મહારાજ સાહેબે આપેલી આ શિખામણ દુર્લભજી કેશવજી ખેતાણી અને ન્યાલચંદ મૂલચંદ શેઠે અક્ષરશઃ પાળી બતાવી. આજે પણ એમના વંશજો અને સહયોગીઓ ઘાટકોપરની શ્રી પંડિત રત્નચંદ્રજી (એસપીઆર) જૈન કન્યાશાળા અનેક પડકારો છતાં સુપેરે ચલાવે છે.

૧૭ જુલાઈ, ૨૦૨૩ના દિવસે ૧૦૦મા વર્ષમાં પ્રવેશેલી આ ગુજરાતી માધ્યમની શાળામાં આશરે ૯૫૦ વિદ્યાર્થિની કેજીથી એસએસસી સુધી તદ્દન નિઃશુલ્ક શિક્ષણ મેળવે છે. મહારાષ્ટ્રની શ્રેષ્ઠ ગુજરાતી શાળાનો ખિતાબ આ સ્કૂલ બે વાર જીતી છે. શાળાનાં મૅનેજિંગ ટ્રસ્ટી મીનાબહેન ખેતાણી ચિત્રલેખાને કહે છેઃ