ધારો એ ચિત્ર બનાવી આપે AI ઈમેજ જનરેટર ઍપ્સ

ગુનેગારો આનો દુરુપયોગ કરીને જેલમાં જઈ રહ્યા છે અને બુદ્ધિશાળીઓ સદુપયોગ દ્વારા કમાણી કરી રહ્યા છે.

- 

અમેરિકાના ભૂતપૂર્વ પ્રમુખ ડોનાલ્ડ ટ્રમ્પની ધરપકડ થઈ હોવાનું દર્શાવતી તસવીર છે જનરેટર ઍપની.

દૂધ જેવા સફેદ કાગળ પર પેન્સિલ, વૉટર કલરની ડબ્બીઓ અને પીંછીના ઉપયોગનાં તમારા બાળપણનાં સંસ્મરણો તાજાં કરી જુઓ. જીવનના એ યાદગાર સમયને ફરી જીવંત કરવા અને તમારામાં છુપાયેલી ક્રિયેટિવિટીથી થોડી મિનિટમાં જ ડ્રોઈંગ, પેન્ટિંગ કે ફોટોગ્રાફ બનાવવા હવે આર્ટિફિશિયલ ઈન્ટેલિજન્સ (AI) ઈમેજ જનરેટર ઍપ્સ ખૂબ જ પ્રચલિત થઈ રહી છે. પ્લે સ્ટોની મુલાકાત લઈને AI આર્ટ જનરેટર કૅટેગરીમાં જોશો તો ત્યાં આવી અનેક ઍપ્સ જોવા મળશે.

તમારી કલ્પનાશીલતા અને કળા પ્રત્યેની સમજણને બુસ્ટ-અપ કરવા માટે આ પ્રકારની ઍપ્સ તમને મોકળું મેદાન આપી શકે છે. તમારે કઈ રીતનું ગ્રાફિક જોઈએ છે એ સમજવા માટે ઍપ તમને કેટલાક પ્રશ્નો પૂછે છે. જેટલી ચોકસાઈથી વિગતો અને વર્ણન આપશો એટલી જ ચોકસાઈ સાથે થોડી સેકન્ડમાં જ ઈમેજ જનરેટ થઈ જશે. આવી ઍપ એટલી સ્માર્ટ હોય છે કે ફોટો મિક્સિંગ કરવા માટે પણ એક-બે ક્લિકથી વધુ મહેનત કરવી પડતી નથી.