બદતર જીવનથી છુટકારો મેળવવા..

માણસ સાજો-સારો હોય, એની માનસિક અવસ્થા બરાબર હોય એટલે કે એ પોતાની જાત વિશે નિર્ણય લઈ શકવા સક્ષમ હોય તો એ આવું લિવિંગ વિલ બનાવી શકે

- 

પોતાના શરીર પર માણસનો અધિકાર ખરો? મુંબઈના એક તબીબે દસ-બાર વર્ષ અગાઉ આ સવાલ ઉઠાવ્યો હતો અને છેવટે હવે સર્વોચ્ચ ન્યાયાલયે એમનો મુદ્દો માન્ય રાખ્યો છે.

વધતી ઉંમર, કોઈ અસાધ્ય બીમારી કે અકસ્માતમાં થયેલી ગંભીર ઈજાને કારણે વ્યક્તિ માટે ફરી બેઠા થવાનું, અગાઉ જેવું નૉર્મલ જીવન જીવવાનું, પરવશ થયા વગર સ્વમાનભેર રહેવાનું અશક્ય બની જાય ત્યારે તબીબી ઉપકરણોના સહારે, શરીરમાં અનેક ઘોંચપરોણાં કરાવીને જીવવા કરતાં માણસ મરવાનું પસંદ કરે તો?

સ્વાભાવિક છે કે માણસની હાલત આવી થઈ ગઈ હોય ત્યારે તો એ આપબળે પોતાના જીવનને લગતો કોઈ નિર્ણય લઈ ન શકે. એનો આગોતરો ઉપાય છે લિવિંગ વિલ.