બૅન્કોની સધ્ધરતાઃ કેટલી સાચી.. કેટલી આભાસી?

રિઝર્વ બૅન્કના ભૂતપૂર્વ ગવર્નર ઉરજિત પટેલનું પુસ્તક આપે છે બચતની સલામતી વિશે મૂંઝવતા સવાલના સ્પષ્ટ જવાબ.

- 

ઉરજિત પટેલ લિખિત પુસ્તક 'ઓવરડ્રાફ્ટ - ભારતીય બચતકારોના બચાવમાં’: બૅન્કની સેવાના આધારે રોકાણનો નિર્ણય લો.

પૈસાના રોકાણ માટે સૌથી વધુ સલામતી શેમાં છે?

- રિઝર્વ બૅન્ક ઑફ ઈન્ડિયાના બૉન્ડમાં? પણ એમાં લૉક-ઈન છે સાત વર્ષનો અને વ્યાજદર છ મહિને મળે.

- તો બૅન્ક ડિપોઝિટમાં કરી શકાય રોકાણ? કઈ બૅન્કમાં કરાય? મુખ્યત્વે ત્રણ પ્રકારની બૅન્કો છે. ખાનગી, સરકારી (રાષ્ટ્રીયકૃત) અને સહકારી એટલે કે કો-ઑપરેટિવ બૅન્ક. આમાંથી કઈ બૅન્ક સૌથી વધુ સલામત? તમે કહેશો, સ્વાભાવિક છે.. સરકારી બૅન્કો! કારણ કે સરકાર માલિક છે એટલે આપણાં નાણાં એમાં સલામત રહેશે. સરકાર રાજકીય દૃષ્ટિએ પણ ડિપોઝિટરોને નુકસાન નહીં થવા દે.

- પણ જો તમે ખરેખર એમ માનતા હો તો તમારે રિઝર્વ બૅન્કના ભૂતપૂર્વ ગવર્નર ઉરિજત આર. પટેલનું પુસ્તક ઓવરડ્રાફ્ટ-ભારતીય બચતકારોના બચાવમાં વાંચવું જોઈએ. વરિષ્ઠ આર્થિક પત્રકાર રાજેશ ભાયાણીએ અંગ્રેજીમાંથી આ પુસ્તકનો ગુજરાતીમાં અનુવાદ કર્યો છે. અત્યંત સરળ ભાષાના પ્રયોગ મારફત સામાન્ય માનવીને પણ બૅન્કિંગ જગત વિશે સમજાય એની કાળજી એમણે લીધી છે.