ભારતીય જીવનશૈલીનું સહજ, અનોખું ઉદાહરણ - કમલેશ પટેલ ‘દાજી’ પદ્મભૂષણ (અધ્યાત્મ)

ભરૂચ છોડીને દાજી અમદાવાદ આવ્યા એ પછી એમણે અહીંની જાણીતી ફાર્મસી કૉલેજમાં ઍડ્મિશન લીધું. ૧૯૮૦માં ભણવાનું પૂરું કરી અમેરિકા ગયા અને ન્યૂ યોર્કમાં પોતાની ફાર્મસીની પ્રેક્ટિસ શરૂ કરી

- 

૧૯૭૬માં ભરૂચ જિલ્લામાં નર્મદાના કિનારે આવેલા કલ્લા ગામનો યુવાન કમલેશ પટેલ આધ્યાત્મિક અનુભવ કરવા અચાનક ઘર છોડીને અઘોરી બાબા પાસે જાય છે. જીવનનો મર્મ સમજી એને સાર્થક કરવાની પોતાની બાળપણની ઈચ્છા એ અઘોરી બાબા પાસે વ્યક્ત કરે છે. સવારથી સાંજ સુધી મંદિરમાં બેસી રહેલા આ યુવાનને અઘોરી બાબા નિખાલસતાથી કહે છે: ‘જો બેટા, હું આખી જિંદગી ભટક્યો છું, પણ મને આવો કોઈ અનુભવ થયો નથી. મને લાગે છે કે હું ખોટા રસ્તે છું. તું આ રસ્તે ન આવ..’