ભગવદ્ગીતા પરના સર્ટિફિકેટ કોર્સનું આયોજન

આ કોર્સમાં ૧૮ અધ્યાયોને આવરી લઈ ૧૮ દિવસ રોજ સાંજે ૫ઃ૩૦થી ૮:૦૦ વાગ્યા સુધી એક-એક અધ્યાય પર જ્ઞાનસત્ર યોજાશે, જેમાં વિવિધ ક્ષેત્રના વિદ્વાન વક્તા અધ્યાયના ભાવાર્થની સમજૂતી આપશે

- 

મુંબઈસ્થિત કાંદિવલી એજ્યુકેશન સોસાયટી (કે.ઈ.એસ.)ની શ્રોફ કૉલેજના સેન્ટર ફૉર હ્યુમન વૅલ્યુઝ દ્વારા ગયા વરસની જેમ આ વરસે પણ શ્રીમદ્ ભગવદ્ગીતા પર સર્ટિફિકેટ કોર્સનું આયોજન કરવામાં આવ્યું છે. આ કોર્સ ૩ ડિસેમ્બરથી ૨૦ ડિસેમ્બર દરમિયાન યોજાશે.

ગયા વરસે કોરોનાના માહોલને લીધે આ કોર્સ માત્ર ઑનલાઈન ધોરણે યોજાયો હતો. જો કે આ વખતે કે.ઈ.એસ. શ્રૉફ કૉલેજના કૅમ્પસમાં એના ક્લાસ લેવામાં આવશે, જેમાં બીજી કૉલેજના સ્ટુડન્ટ્સ પણ ભાગ લઈ શકશે. વિદ્યાર્થી ન હોય એવા લોકો પણ આ કોર્સ કરી શકશે. અલબત્ત, એમના માટે આ કોર્સ ઑનલાઈન રહેશે.