നിക്ഷേപങ്ങൾക്ക് അവകാശിയുണ്ടോ? കടന്നുവരൂ, വൈകേണ്ട.

മറന്നുപോയ നിക്ഷേപങ്ങൾ വീണ്ടെടുക്കാം, ആർബിഐ ക്യാംപ് ഡിസംബർ 31 വരെ.

- ബാലകൃഷ്ണൻ തൃക്കങ്ങോട്

നിങ്ങളുടെയോ, മരിച്ചുപോയ ബന്ധുക്കളുടെയോ നിക്ഷേപങ്ങൾ വീണ്ടെടുക്കാതെ കിടക്കുന്നുണ്ടോ? വിഷമിക്കേണ്ട, ഇവ അവകാശികൾക്കു തിരിച്ചുനൽകാനുള്ള നടപടികൾ റിസർവ് ബാങ്ക് ശക്തമാക്കിയിരിക്കുന്നു. അതിനായി ആരംഭിച്ച "നിങ്ങളുടെ പണം, നിങ്ങളുടെ അവകാശം' എന്ന ബോധവൽക്കരണ പരിപാടി രാജ്യത്തെ എല്ലാ ജില്ലകളിലും നടന്നു വരികയാണ്. ഡിസംബർ അവസാനം വരെ ഇതോട് അനുബന്ധിച്ച ക്യാംപുകളും ഉണ്ടാകും.

അവകാശികളില്ലാതെ 1.82 ലക്ഷം കോടി

ബാങ്ക്, ഇൻഷുറൻസ്, മ്യൂച്വൽ ഫണ്ട്, ഓഹരി / ഡിവിഡൻഡ്, എൻപിഎസ് അക്കൗണ്ടുകളിലായി അവകാശികളില്ലാതെ 1.82 ലക്ഷം കോടി രൂപയാണ് കേന്ദ്ര സർക്കാരിന്റെ കയ്യിലുള്ളത്. കൃത്യമായ രേഖകളുമായി സമീപിച്ചാൽ പണം മടക്കി നൽകുമെന്നു ധനമന്ത്രി നിർമല സീതാരാമൻ വ്യക്തമാക്കിയിട്ടുണ്ട്. ആർബി ഐയുടെ ക്യാംപുകളിൽ പങ്കെടുത്താൽ നിങ്ങൾക്ക് അവകാശപ്പെട്ട നിക്ഷേപങ്ങൾ അക്കൂട്ടത്തിലുണ്ടോ എന്നറിയാം. ഉണ്ടെങ്കിൽ അതു തിരിച്ചുപിടിക്കാനുള്ള നടപടിക്രമങ്ങളും മനസ്സിലാക്കാം.

ഓഹരിയിൽ 90,000 കോടി

തുടർച്ചയായി 7 വർഷം ഡിവിഡൻഡ് ക്ലെയിം ചെയ്യാത്ത ഓഹരികൾ ഇൻവെസ്റ്റർ എജ്യുക്കേഷൻ ആൻഡ് പ്രൊട്ടക്ഷൻ ഫണ്ടിലേക്കു മാറ്റും. ഇങ്ങനെ (EPFലേക്കു മാറ്റിയിരിക്കുന്നത് 90,000 കോടിരൂപ മൂല്യമുള്ള 172 കോടി ഓഹരികളാണ്. ഇവ ക്ലെയിം ചെയ്യാൻ iepf.gov.in ലെ സെ ർച്ച് സൗകര്യം ഉപയോഗിക്കാം (ഈ നടപടിക്രമങ്ങൾ സമ്പാദ്യം ജൂൺ ലക്കത്തിൽ നൽകിയിട്ടുണ്ട്).

ഇനി 30 ദിവസം മതി

ഓഹരികളും ഡിവിഡൻഡും വീണ്ടെടുക്കാനുള്ള നടപ ടികൾ സങ്കീർണമാണെന്നും പല ഏജൻസികളും ഭീമമായ തുക ഈടാക്കുന്നുവെന്നും പരാതിയുണ്ട്. അതു പരിഹരിക്കാനാണ് ഐഇപിഎഫിന്റെ പുതിയ നീക്കം.