ടേം പ്ലാൻ; പ്രവാസികൾക്കെന്നും വിശ്വസ്തമായ കൈത്താങ്ങ്

ടേം പ്ലാൻ ഇന്ത്യയിൽനിന്ന് എടുത്താൽ കുറഞ്ഞ ചെലവിൽ ഉയർന്ന പ്രീമിയം ഉറപ്പാക്കാം. കുടുംബത്തിനു നൽകാവുന്ന ഏറ്റവും മികച്ച സാമ്പത്തിക കവചം.

- അനൂജ് ശശീന്ദ്രൻ

സ്വന്തം കുടുംബത്തിന്റെ സാമ്പത്തികഭദ്രത ഉറപ്പാക്കാൻ വേണ്ടിയാണ് ഓരോ പ്രവാസിയും സ്വന്തം നാടും വീടും വിട്ട് വിദേശത്തു കഷ്ടപ്പെടുന്നത്. എന്നാൽ, ഏതെങ്കിലും ഒരു നിർഭാഗ്യകരമായ സാഹചര്യത്തിൽ ഈ വ്യക്തിക്കു മരണം സംഭവിച്ചാൽ ആ കുടുംബത്തിന്റെ ഭാവിയും കടബാധ്യതകളും വലി യ ഒരു ചോദ്യചിഹ്നമായി മാറും. ഈയൊരു നിർണായകഘട്ടത്തിൽ, പ്രവാസി കുടുംബങ്ങൾക്ക് ഒരു വിശ്വസ്തമായ കൈത്താങ്ങായി മാറുന്ന ഏറ്റവും മികച്ച സാമ്പത്തിക കവചമാണ് ടേം ഇൻഷുറൻസ്. ലൈഫ് ഇൻഷുറൻസിന്റെ ഏറ്റവും ലളിതവും കാര്യക്ഷമവുമായ രൂപം.

കുറഞ്ഞ പ്രീമിയത്തിൽ വലിയൊരു സംഖ്യയ്ക്ക് (Sum Assured) കവറേജ് ഉറപ്പാക്കുന്ന ഇൻഷുറൻസ് പ്ലാൻ ആണിത്. പോളിസിയുടെ കാലാവധിക്കുള്ളിൽ പോളി സി ഉടമയ്ക്ക് എന്തെങ്കിലും സംഭവിച്ചാൽ, ഇൻഷുർ ചെയ്ത മുഴുവൻ തുകയും നോമിനിക്കു ലഭിക്കുന്നു. പക്ഷേ, പോളിസി കാലാവധി പൂർത്തിയാകുന്നതുവ രെ പോളിസി ഉടമ ജീവിച്ചിരുന്നാൽ അടച്ച പ്രീമിയം തുക തിരികെ ലഭിക്കുകയില്ല (Term Plans with Return of Premium (TROP) ഒഴികെ).

ടേം ഇൻഷുറൻസ് എന്തുകൊണ്ട് ഇന്ത്യയിൽ നിന്ന്?