മാസ് അവാർഡ് നേടുന്ന മെമന്റോ നിർമാണം

7 വർഷംകൊണ്ട് 10 ലക്ഷത്തോളം പ്രതിമാസ വിറ്റുവരവിൽ 30%വരെ അറ്റാദായം നേടുന്നു.

- ടി.എസ്.ചന്ദ്രൻ മുൻ ഡെപ്യൂട്ടി ഡയറക്ടർ, സംസ്ഥാന വ്യവസായ വാണിജ്യവകുപ്പ്

അപൂർവമായി കാണുന്ന ഒരു ബിസിനസാണ് മാവേലിക്കരയ്ക്കടുത്ത് വള്ളിക്കുന്നത്ത് "മാസ് അവാർഡ്സ്' എന്ന പേരിൽ വി. ഷാജി നടത്തുന്നത്.

എന്താണ് ബിസിനസ്?

വിവിധതരം ട്രോഫികളുടെ നിർമാണവും വിൽപനയുമാണ് ഈ സംരംഭകന്റെ വേറിട്ട പ്രവർത്തനമേഖല. ഡിസൈൻ അനുസരിച്ചു മെഷീന്റെ സഹായത്തോടെ വുഡൺ മെമന്റോകൾ നിർമിച്ചു പെയിന്റു ചെയ്തു നൽകുന്നു. കസ്റ്റമൈസ് ചെയ്തും അല്ലാതെയും ഇവ നിർമിക്കുന്നുണ്ട്.

തുടക്കം ഡീലറായി

മെമന്റോകളുടെ ഡീലറായുള്ള പ്രവൃത്തിപരിചയവുമായാണ് ഷാജി ഈ രംഗത്തേക്കു കടക്കുന്നത്. മെക്കാനിക്കൽ എൻജിനീയറായ ഷാജി ഏറെക്കാലം ഡൽഹിയിൽ മെറ്റാലിക് ടൈലുകളുടെ നിർമാണവുമായി ബന്ധപ്പെട്ടാണു പ്രവർത്തിച്ചിരുന്നത്. ആ പരിചയവും ഇവിടെ മുതൽക്കൂട്ടായി. ഡീലറായിരുന്നപ്പോൾ, ഡിമാൻഡനുസരിച്ച് ആവശ്യാനുസരണം മെമന്റോ ലഭ്യമാക്കാൻ കഴിയാത്ത സാഹചര്യമുണ്ടായി. മെമന്റോകൾ തമിഴ്നാട് അടക്കമുള്ള അന്യസംസ്ഥാ നങ്ങളിൽ നിന്നുമാണു വന്നിരുന്നത്. എന്നാൽ ഇത്തരം മെമന്റോകളുടെ ഫിനിഷിങ് മോശമായിരുന്നു. ലഭ്യത ക്കുറവ്, ഉയർന്ന വില തുടങ്ങിയ പ്രശ്നങ്ങളും നേരിട്ടു. ഇതോടെയാണ് ഇവയെല്ലാം പരിഹരിക്കാനായി സ്വന്തം നിലയിൽ നിർമാണം ആരംഭിക്കുന്നത്.

ഹാൻഡ് ടൂൾസിൽ തുടക്കം