അടക്കംപറഞ്ഞു അടച്ചുപൂട്ടരുത്

കസ്റ്റമറിനുണ്ടാകുന്ന അസ്വസ്ഥത ഒപ്പമുള്ളവരിലേക്കും ചുറ്റുമുള്ളവരിലേക്കും പടർന്നുപിടിച്ചാൽ അതു സ്ഥാപനത്തിന്റെ നിലനിൽപിനെ ബാധിച്ചേക്കാം.

- പുളിക്കൻസ്

പുതുയുഗ മോഡികളുടെ കുത്തൊഴുക്കിലും പഴയകാല പ്രൗഢിയോടെ നിരത്തുവാഴുന്ന കച്ചവടസ്ഥാപനങ്ങൾ എത്രയോ ഉണ്ട് നമ്മുടെ നാട്ടിൽ. അലങ്കാരങ്ങളുടെ ആഡംബരങ്ങളെക്കാൾ ഉപഭോക്താവിനെ അറിയുന്ന, അംഗീകരിക്കുന്ന, ആദരിക്കുന്ന സ്ഥാപനങ്ങൾ എന്ന പുതുമ ഒരിക്കലും നശിക്കാത്തതാണ് ഇത്തരം സ്ഥാപനങ്ങളുടെ വിജയരഹസ്യം. കസ്റ്റമറിനും സ്ഥാപനത്തിനും ഇടയിൽ മുതലാളിക്കും ജീവനക്കാർക്കുമിടയിൽ ഒരുവിധത്തിലുള്ള മറയും മതിലും ഇവിടെ ഉയരുന്നില്ല. ഉപഭോക്താവിനെ കാണുമ്പോൾ ഒതുക്കി പതുക്കെ പറയുന്നവരെക്കാൾ, ഉള്ളത് ഉള്ളതു പോലെ ഉറക്കെ പറയുന്ന ഉടമയും ജീവനക്കാരുമാണ് ഇത്തരം സ്ഥാപനങ്ങളുടെ മുഖമുദ്രയും പരസ്യപ്പലകയും. അടക്കംപറഞ്ഞ് അടച്ചുപൂട്ടുന്നതിനെക്കാൾ ഉറക്കെപ്പറഞ്ഞ് ഉറപ്പിച്ചുനിർത്തുന്നതാണ് ഏതൊരു കച്ചവടത്തിന്റെയും വിജയമന്ത്രം. ശ്രീരാമകൃഷ്ണ പരമഹംസർ പറഞ്