സേഫല്ല ബാങ്കുനിക്ഷേപവും

അഞ്ചുലക്ഷം രൂപയുടെ ഇൻഷൂറൻസ് പരിധി ഉയർത്താൻ സർക്കാർ ആലോചിക്കുന്നുണ്ട്.

- കെ.കെ.ജയകുമാർ പ്രമുഖ ഫിനാൻഷ്യൽ ജേണലിസ്റ്റും ഇൻഫർമേഷൻ പബ്ലിക് റിലേഷൻസ് വകുപ്പിൽ ഉദ്യോഗസ്ഥനുമാണ് ലേഖകൻ jayakumarkk@gmail.​com

"എന്നാലും ഒരു കറിക്കത്തികാട്ടി ബാങ്കീന്ന് എത്ര അനായാസമാണ് പുള്ളി 15 ലക്ഷം രൂപ എടുത്തോണ്ടുപോയത്!' ട്രയിനിൽ എതിർസീറ്റിലിരുന്ന മധ്യവയസ്കൻ ഉച്ചത്തിൽ പറഞ്ഞു. ഞാൻ ഫോണിൽ നിന്നു തലയുയർത്തി പുള്ളിയെ നോക്കി ചിരിച്ചു. ഈയിടെ നടന്ന ബാങ്കുമോഷണ വാർത്ത ഫോണിൽ വായിച്ച ശേഷമുള്ള പ്രതികരണമാണ്.

"അതേയതേ, നമ്മളൊക്കെ കുറച്ചു പൈസ പിൻവലിക്കാൻ ചെന്നാൽ എന്തെല്ലാം നൂലാമാലകളാണ്. സ്ലിപ്പ് പൂരിപ്പിക്കണം, ക്യൂ നിൽക്കണം. ടോക്കണെടുക്കണം. ശ്ശോ, കത്തിയുമായി വന്നാൽ എന്നാ എളുപ്പമാ. തൊട്ടടുത്തിരുന്ന ആളും കൂടെക്കൂടിയതോടെ ചർച്ച കൊഴുത്തു.

“അല്ലേലും നമ്മളൊക്കെ എന്നാ വിശ്വസിച്ചാ ബാങ്കിലോക്കെ പൈസ കൊണ്ടുപോയി ഇടുന്നത്. പോയാൽ പോയി. കിട്ടിയാൽ കിട്ടി,' മറ്റൊരു യാത്രക്കാരനും പങ്കുചേർന്നു.