തീറ്റയിലാകുന്നു ചാകരക്കോള്

ഒരു കോഴിയെ 12 മുതൽ 16 കഷണങ്ങൾവരെയാക്കി ചിക്കൻ കറി വിളമ്പുന്നവരുണ്ട്. ആറേഴ് പ്ലേറ്റ് ചിക്കൻ കറി വിൽക്കുമ്പോൾ വെറും ഒരു കിലോ കോഴിയിലെ ലാഭമെത്ര?

- പി. കിഷോർ

ബെംഗളൂരുവിലെ രാമേശ്വരം റസ്റ്ററന്റ് ചെറിയൊരു ബോംബ് സ്ഫോടനത്തോടെയാണ് ഇന്ത്യയാകെ പ്രശസ്തമായത്. വെജ് ഭക്ഷണ വിഭവങ്ങളാണ്. ബെംഗളൂരുവിൽ നാലെണ്ണമുണ്ട്. മറ്റു സംസ്ഥാനങ്ങളിലേക്കും ചെന്നൈയിലേക്കും സിംഗപ്പൂരിലേക്കും ദുബായിലേക്കുമൊക്കെ വളരുകയായിരുന്നു. ഐഐഎമ്മിൽ നിന്നുള്ള എംബിഎക്കാരി ദിവ്യയും ഭർത്താവ് രാഘവേന്ദ്രറാവുവുമാണ് അതിന്റെ അമരക്കാർ. മാസം നാലരക്കോടി വിറ്റുവരവ്. 70% ഗ്രോസ് ലാഭമാണ്.