റിയൽ എസ്റ്റേറ്റും റോക്കറ്റ് സയൻസും

ഒരു ലക്ഷ്യത്തിനായി പണം സ്വരുക്കൂട്ടി നിക്ഷേപിച്ചു വലിയ തുകയാക്കുന്നതാണ് ഫിനാൻഷ്യൽ പ്ലാനിങ്.

- കെ.കെ.ജയകുമാർ

ഒറ്റ റിങ്ങിൽ അപ്പുറത്തു സ്മിത ഫോണെടുത്തു.മിസ്ഡ് കോൾ കണ്ടപ്പോൾ അത്യാവശ്യത്തിനായിരിക്കുമെന്നു കരുതി തിരിച്ചുവിളിച്ചതാണ്. ഫിനാൻഷ്യൽ പ്ലാനിങ്ങിനെക്കുറിച്ചുള്ള എന്റെ പുതിയ റീൽ കണ്ടിട്ട് പുച്ഛിക്കാൻ വിളിച്ചതാണ്.

ഒരു ഫിനാൻഷ്യൽ കോൺക്ലേവിൽ പരിചയപ്പെട്ട സ്മിത പ്രമുഖ ബാങ്കിൽ പ്രൊബേഷനറി ഓഫിസറാണ്. "ഞാൻ റോക്കറ്റ് സയൻസൊന്നും പഠിച്ചിട്ടില്ല.എന്നാലും ഒരു കാര്യം പറയാൻ വിളിച്ചതാ.' റോക്കറ്റ് സയൻസോ?' ഞാൻ നെറ്റി ചുളിച്ചു.

"നിങ്ങളല്ലേ പറഞ്ഞത് ഫിനാൻഷ്യൽ പ്ലാനിങ് റോക്കറ്റ് സയൻസും മറ്റുമാണെന്ന്. പൈസയൊക്കെ ബാങ്കിലും ഓഹരീലും മ്യൂച്വൽ ഫണ്ടിലുമൊക്കെ ഇട്ടിട്ട് എന്നു പണക്കാരനാകാനാണ്. വെറുതെ എന്തിനാണ് ആളുകളെ കഷ്ടപ്പെടുത്തുന്നത്, നാടൻ കോഴിക്കോടൻ ശൈലിയിൽ പുച്ഛം തുടരുകയാണ്.