സ്വന്തം പശുവിനായി കാലിത്തീറ്റ നിർമാണം, ഇന്നു ലക്ഷങ്ങൾ വരുമാനമുള്ള ഫാക്ടറി

പശുവളർത്തലിൽ തുടങ്ങി ഇന്ന് അരുവി ക്വാറ്റിൽ ഫീഡ്സ്' എന്ന സ്ഥാപനം വിജയകരമായി നടത്തുകയാണ് സായ് പ്രസാദ് എന്ന യുവസംരംഭകൻ.

- ടി. എസ്. ചന്ദ്രൻ മുൻ ഡപ്യൂട്ടി ഡയറക്ടർ, സംസ്ഥാന വ്യവസായ വാണിജ്യ വകുപ്പ്

എന്താണു ബിസിനസ്?

 കാലിത്തീറ്റ നിർമാണത്തിലേക്ക് ഇറങ്ങിയ പുതുസംരംഭകർ വിരളമാണ്. അത്തരം ബിസിനസ് ആശയങ്ങൾ മനസ്സിലുള്ളവർക്കു മാതൃകയാണ് സായ് പ്രസാദിന്റെ അരുവി ക്യാറ്റിൽ ഫീഡ്സ്. നെല്ല് (തവിട്, നെല്ലിന്റെ പതിര്, ചോളം, പരുത്തി, തേങ്ങാ പിണ്ണാക്ക് എന്നിവയിൽനിന്നു വിവിധ ഇനത്തിലുള്ള നാലുതരം കാലിത്തീറ്റകളാണു സായ് നിർമിക്കുന്നത്.

എന്തുകൊണ്ട് കാലിത്തീറ്റ ബിസിനസ്?

നാലഞ്ചു വർഷമായി നല്ല രീതിയിൽ പശു ഫാം നടത്തുകയാണ് സായ്. 20 ൽപരം പശുക്കൾക്കു നല്ല ഗുണമുള്ള തീറ്റ കുറഞ്ഞ ചെലവിൽ ഉറപ്പാക്കാനായാണ് കാലിത്തീറ്റ മിക്സിങ് സംരംഭം തുടങ്ങിയത്. സ്വന്തം പശുക്കളിൽ പരീക്ഷിച്ചപ്പോൾ, കൂടുതൽ പാൽ ലഭിച്ചതോടെയാണ് തീറ്റ കുറേശ്ശേ പുറത്തു നൽകാൻ തുടങ്ങിയത്. വാങ്ങിയവരിൽ നിന്നു മികച്ച പ്രതികരണം ലഭിച്ചതോടെ വാണിജ്യാടിസ്ഥാനത്തിൽ ഉൽപാദനം തുടങ്ങാൻ തീരുമാനിച്ചു. നിലവിൽ ഫാമുകൾക്കു പുറമേ കാലിത്തീറ്റ വ്യാപാരികൾക്കും വിതരണം നടത്തുന്നു.

നെല്ലും ചോളവും