നിങ്ങളുടെ പെൻഷൻ തുക നിക്ഷേപിക്കാൻ ഏറ്റവും മികച്ച പദ്ധതി ഇതാ

30 ലക്ഷം രൂപ വരെയുള്ള നിക്ഷേപത്തിനും പലിശവരുമാനത്തിനും സർക്കാർ ഗാരന്റിയുള്ള സുരക്ഷയും ഉയർന്ന പലിശയും സീനിയർ സിറ്റിസൺ സേവിങ്സ് സ്കീമിനെ ആകർഷകമാക്കുന്നു.

- 

പെൻഷൻ ആകുമ്പോൾ ഒന്നിച്ചു ലഭിക്കുന്ന ആനുകൂല്യങ്ങൾ എവിടെ നിക്ഷേപിക്കണമെന്നത് ഏവരുടെയും മുന്നിലുള്ള ചോദ്യമാണ്. പലിശ വരുമാനം കൂടുതൽ കിട്ടുന്ന സ്ഥാപനങ്ങളിലും പദ്ധതികളിലും നിക്ഷേപിക്കുന്നവരാണ് അധികവും. ഭാവിയെക്കുറിച്ചുള്ള ആകാംക്ഷയും ആശങ്കകളും മെച്ചപ്പെട്ട തീരുമാനങ്ങൾക്കു തടസ്സം സൃഷ്ടിക്കും. അതോടെ പലിശ മാത്രം നോക്കി ഉറപ്പില്ലാത്തിടത്ത് നിക്ഷേപിച്ചു പലിശയുമില്ല, മുതലുമില്ല എന്ന അവസ്ഥയിൽ ത്രിശങ്കുവിലായ ഒട്ടനവധി മുതിർന്ന പൗരൻമാരുണ്ട്.

എന്തുകൊണ്ട് എസ് സിഎസ്എസ്

ദേശീയ സമ്പാദ്യ പദ്ധതികളിൽ മുതിർന്ന പൗരൻമാർക്കായുള്ള ഏറ്റവും സവിശേഷമായ നിക്ഷേപ പദ്ധതിയാണ് 2004 ൽ കേന്ദ്ര സർക്കാർ പ്രഖ്യാപിച്ച സീനിയർ സിറ്റിസൻ സേവിങ്സ് സ്കീം (എസ്സിഎസ്എസ്) പെൻഷൻ ആനുകൂല്യങ്ങൾ നിക്ഷേപിക്കാൻ കൂടുതൽ അനുയോജ്യമാക്കുന്ന ഒട്ടേറെ ഘടകങ്ങളുണ്ട്. സമാന പദ്ധതികളെക്കാൾ ഉയർന്ന പലിശ, അതും തുടർച്ചയായും കൃത്യമായും ലഭിക്കുമെന്ന ഉറപ്പ്, മുതലിന്റെ സുരക്ഷ ഇവയെല്ലാം പദ്ധതിയെ ആകർഷകമാക്കുന്നു.

2023 കേന്ദ്ര ബജറ്റിൽ ഒരാൾക്കു നിക്ഷേപിക്കാവുന്ന പരമാവധി തുക 30 ലക്ഷം രൂപയായി വർധിപ്പിച്ചതോടെ പെൻഷൻ തുക നിക്ഷേപിക്കാൻ ഇതു കൂടുതൽ മികച്ചതുമായി.

ആർക്കെല്ലാം നിക്ഷേപിക്കാം