റിസ്ക് പേടിയാണോ?

ജീവിതത്തിൽ ചെറിയ റിസ്കുകളെടുക്കാത്ത ആരും വലിയ വിജയം നേടിയിട്ടില്ല. അതാണു സത്യം.

- സന്തോഷ് ശിശുപാൽ

നമ്മളറിയാതെ നമ്മുടെ മനസ്സിന്റെ പക്ഷപാതപരമായ സമീപനങ്ങൾ (Cognitive/ Psychological Biases) സാമ്പത്തികലക്ഷ്യങ്ങളിൽ തടസ്സം സൃഷ്ടിക്കാറുണ്ട്. അത്തരത്തിലുള്ള പക്ഷപാതങ്ങളാണ് ലോസ് അവർഷനും എൻഡോവ്മെന്റ് എഫക്റ്റും. നഷ്ടം വരുമെന്നു പേടിച്ചു വലിയ അവസരങ്ങളെപ്പോലും ഒഴിവാക്കുന്ന അവസ്ഥയാണിത്.

നഷ്ടം വരാതെ നോക്കുന്നതിലാണ് ഒരാൾ ലാഭം കിട്ടുന്നതിനെക്കാൾ പ്രധാന്യം നൽകുന്നതെങ്കിൽ അയാൾക്കുള്ള സൈക്കോളജിക്കൽ ബയസ് (മനഃശാസ്ത്രപരമായ പക്ഷപാതം) ആണ് "ലോസ് അവർഷൻ' (Loss Av sion). ഉദാഹരണമായി 1,000 രൂപ നഷ്ടപ്പെടുമ്പോൾ ഉണ്ടാകുന്ന സങ്കടം, അതു സമ്പാദിക്കുമ്പോൾ ഉണ്ടാകുന്ന സന്തോഷത്തെക്കാൾ കൂടുതലാണെങ്കിൽ ലോസ് അവർഷൻ ഉണ്ടെന്നു പറയാം.