കണ്ണ് തുറപ്പിച്ച കാഴ്ച

പരിമിതികളുണ്ടെന്ന ധാരണ മാറ്റിവയ്ക്കാൻ കഴിഞ്ഞാൽ ഏതറ്റം വരെ പോകാനും നമുക്കു കഴിയും

- Dr. Josna Raphael

പട്ടണത്തിന്റെ മുഖമുദ്രയായി മാറിയ ഒരു കെട്ടിടം. ഏറ്റവുമധികം അംഗീകാരങ്ങളും അഭിനന്ദനവും തേടിയെത്തി യ പ്രോജക്ട്. കുന്നംകുളം ബസ് ടെർമിനൽ പ്രിയപ്പെട്ടതാകാൻ ഇതുമാത്രമല്ല കാരണം ജീവിതത്തിലെ ചില നിലപാടുകളും നിശ്ചയദാർഢ്യവുമൊക്കെ വിജയം കണ്ടതിന്റെ സംതൃപ്തി കൂടി ഈ ഇഷ്ടത്തിനു പിന്നിലുണ്ട്.

“ഒരു സ്ത്രീക്ക് എന്തു ചെയ്യാൻ കഴിയും?' സ്ഥിരമായി നേരിടുകയും 2019 ൽ നഗരസഭ ഈ പ്രോജക്ട് എൽപിച്ചതോടെ കടുപ്പം കൂടുകയും ചെയ്ത ഈ ചോദ്യമായിരുന്നു മുന്നോട്ടു പോകാനുള്ള ഊർജം. ബസ് സ്റ്റാൻഡിന് "സ്ത്രീപക്ഷ ഡിസൈൻ മതി എന്നായിരുന്നു ആദ്യ തീരുമാനം. മുറുക്കിത്തുപ്പി വൃത്തികേടാക്കിയ ഭീമാകാരൻ തൂണുകളും ഇരുട്ടു നിറഞ്ഞ അകത്തളങ്ങളുമില്ലാതെ ഏതു സമയത്തും ആത്മവിശ്വാസത്തോടെ, സന്തോഷത്തോടെ നടക്കാൻ കഴിയുന്ന ഒരിടം. ഈ സ്വപ്നമായിരുന്നു രൂപകൽപനാ വേളയിലെ വഴിവെളിച്ചം. എല്ലാ പ്രായത്തിലുമുള്ളവർ പകലും രാത്രിയിലും വരുന്ന സ്ഥലമായതിനാൽ ചെറിയ കാര്യങ്ങൾ പോലും സൂക്ഷ്മമായി വിലയിരുത്തി.