നടുവൊടിച്ച് വിലക്കയറ്റം

രണ്ടുമാസത്തിനുള്ളിൽ ചതുരശ്രയടിക്ക് 450 രൂപ വരെ ചെലവ് കൂടി. 1500 സ്ക്വയർഫീറ്റ് വീട് തീർക്കാൻ വേണ്ടത് അരക്കോടി

- Construction Cost

അരക്കോടി രൂപയുണ്ടെങ്കിലും 1500 സ്ക്വയർഫീറ്റ് പൂർത്തിയാക്കാനാകാത്ത അപകടസ്ഥിതിയിലാണ് കേരളമിപ്പോൾ. നിർമാണ സാമഗ്രികളുടെ തോന്നുംപടിയുള്ള വിലക്കയറ്റത്തിനൊ വീടു നിർമിക്കാനുള്ള അപേക്ഷാ ഫീസ്, പെർമിറ്റ് ഫീസ് എന്നിവയും കുത്തനെ വർധിപ്പിച്ചതാണ് വീടുനിർമാണം പ്രതിസന്ധിയിലാകാനുള്ള കാരണം. ഇതു പോരാത്തതിന് ഭൂമിയുടെ ന്യായവില, വസ്തുനികുതി, കെട്ടിടനികുതി, ഭവനവായ്പയുടെ പലിശ... എന്നിങ്ങനെ വീടുനിർമാണവുമായി ബന്ധപ്പെട്ട സകലകാര്യങ്ങളിലും വൻവർധനവുണ്ടായിരിക്കുന്നു. കഴിഞ്ഞ രണ്ടുമാസത്തിനിടയിൽ നിർമാണച്ചെലവിൽ തന്നെ 350-450 രൂപയുടെ വർധനവാണുണ്ടായത്. ചതുരശ്രയടിക്ക് 2000-2500 രൂപ ചെലവുണ്ടായിരുന്നത് 2500 - 2950 രൂപയിലേക്ക് കടന്നിരിക്കുന്നു. കരുതലോടെ വീടുപണിതാൽ മാത്രമാണ് ചെലവ് ഈ നിരക്കിൽ പിടിച്ചുനിർത്താനാകുക. അല്ലെങ്കിൽ 3000 കടക്കും.

ലോണിന്റെ ആദ്യഗഡു പെർമിറ്റിന്