விருப்பம்

சிறுகதை

- திண்டுக்கல் விஜி

சாந்தாவின் மனசுதான் எத்தனை பேரழகு. மனதைப் போலவே அவளின் தோற்றமும் யாரையும் திரும்பி ஒருமுறை பார்க்க தோன்றும். கல்லூரியில் அவள் தனித்து தெரிவாள். படிப்பிலும், சமூக சேவைகளிலும், விளையாட்டிலும் எங்கும் சாந்தா. அந்த கல்லூரியை ஆக்கிரமித்திருந்தாள். வீட்டில் அலமாரிகளில் எல்லாம் அவள் வாங்கிய பரிசு கோப்பைகள். இந்த இரண்டு ஆண்டுகளின் அவள் தன்னை நிருபித்துக்கொண்டே இருப்பதாக அவள் அப்பாவிற்கு பெருமிதம்!!

மகள் அவருக்கு ஒரு பெரிய நம்பிக்கை தந்தாள். படிப்பில் அந்த ஆண்டு சிறந்த மாணவிக்கான தங்க பதக்கம் வாங்கியிருந்தாள். அவள் அதை வாங்கும் போது அரங்கமே ஆரவாரப்படுத்தி மகிழ்ந்தது.

சந்தருக்கு அவளைப் பார்த்து பேசவேண்டும் என்ற ஆர்வம். கடந்த ஓர் ஆண்டாக கவனித்துக்கொண்டு இருக்கிறான். மூன்றாம் ஆண்டு மாணவன், ஆகையால் பேச முடிய வில்லை. எப்படியோ அவளது தோழிகளின் உதவியால் வாழ்த்து மடலை அனுப்பி வைத்தான்.