கமல் மேஜிக்கை வாழ்நாள் முழுவதும் கொண்டாடுவேன்!

தமிழ், தெலுங்கில் மட்டுமின்றி இந்தி படங்களிலும் நடித்துள்ள காஜல் அகர்வால். கவுதம் கிச்சிலு என்கிற தொழிலதிபரை காதலித்து திருமணம் செய்து கொண்டு நீல் என்ற ஆண் குழந்தைக்கு தாயாகிவிட்டார். நடிப்புக்கு என்ட்கார்ட் போடாத காஜல் 'இந்தியன் 2' படத்தில் நடித்து வருகிறார். தெலுங்கில் பாலகிருஷ்ணா உடன் புதிய படத்தில் கமிட் ஆகியுள்ளார். தன் கணவருடன் ரொமாண்டிக் போட்டோஷூட் நடத்தி வைரலாக்கிய காஜலுடன் அழகான சிட்சாட்

- தவா

உங்க தங்கை நிஷா அகர்வாலுடனான பந்தம் பற்றி?

என்னுடைய மிகப்பெரிய ஆதரவாளர், விமர்சகர் எல்லாமே அவள் தான். எங்களுக்கு சிறப்பான குழந்தைப் பருவம் அமைஞ்சது. உலகத்தில் யாருக்குமே கிடைக்காத அபூர்வமான அப்பா, அம்மா எங்களுக்கு கிடைச்சாங்க. நடிப்புத் துறைக்கு நாங்க வருவோம்'னு கனவில் கூட நினைச்சுப் பார்க்கல. எல்லாம் விதிப்படி நடந்தது. எங்களுக்கு சினிமா துறையில் இப்படி ஒரு இடம் கிடைச்சது ரொம்பவே பெருமையான விஷயம். எங்களுக்கு கிடைக்குற அன்புக்கும், பாராட்டுக்கும் எப்போதும் ரசிகர்களுக்கு நன்றிக்கடன் பட்டிருக்கோம்.

சிறு வயதில் உங்க கனவு என்னவா இருந்தது? 

நான் ஒரு விண்வெளி வீராங்கனை ஆகணும், நிஷா ஒரு மகப்பேறு மருத்துவர் ஆகணும்'னு தான் பேசிக்குவோம். ஆனா, சாந்தினி, லம்ஹி மாதிரியான இந்தி படங்களை பார்க்கும் போது கண்ணாடி முன்னாடி நின்னுட்டு ஸ்ரீதேவி மாதிரி இமிடேட் பண்ணி நடிப்போம். அலிசியா சில்வர்ஸ்டோன் தான் இளம் வயசில் எங்களுக்கு ரொம்ப பேவரிட் நடிகை.

உங்கள் கணவர் கொடுக்கும் ஆதரவு பற்றி?