ചിലവന്നൂരിലെ ചെണ്ടുമല്ലികൾ

ആറു സെന്റിലെ കൃഷിയനുഭവവുമായി ജോസ് ആന്റോ

- സുരേഷ് കുമാർ

ബാങ്കുദ്യോഗകാലത്തെ കണക്കു ജീവിതത്തിൽ ഒരൊറ്റ കണക്കും പിഴച്ചിട്ടില്ല ജോസ് ആന്റോക്ക്. ജോലിയിൽ നിന്നു വിരമിച്ചശേഷമുള്ള കാർഷിക ജീവിതത്തിലും ലക്ഷ്യം കാണാതെ പോകുന്നില്ല ജോസിന്റെ കണക്കുകൾ. കൊച്ചി-കുണ്ടന്നൂർ ദേശീയ പാതയോടു ചേർന്നുള്ള ചിലവന്നൂർ അറയ്ക്കൽ വീടും പരിസരവും ഇന്നൊരു ജൈവഗൃഹമാണ്. കഴിഞ്ഞ 10 വർഷമായി പച്ചക്കറി-പുഷ്പ-ഫലവർഗ കൃഷികളിൽ സജീവമാണ് ജോസ്. കഴിഞ്ഞ ഓണക്കാലത്തു തുടങ്ങിയ ചെണ്ടുമല്ലി കൃഷിയുൾപ്പെടെ എല്ലാം ജോസിനു നൽകുന്നത് നേട്ടം മാത്രം. ഓണത്തിനുൾപ്പെടെ മലയാളികൾക്കു പൂക്കൾ തമിഴ്നാട്ടിൽ നിന്നെത്തണം. എന്തുകൊണ്ട് നമുക്കും പുഷ്പകൃഷി ആയിക്കൂടാ എന്ന ഭാര്യ സോഫിയുടെ ചോദ്യമാണ് ജോസിനെ ചെണ്ടുമല്ലിക്കൃഷിയിലേക്കു നയിച്ചത്. തേവര സേക്രഡ് ഹാർട്ട് ഹയർ സെക്