തീരുവപ്പേടിയിൽ വിപണി

റബർവിപണിയിൽ തണുപ്പ്, ഏലംവരവു ശക്തമായില്ല, തേങ്ങ- കൊപ്ര ലഭ്യത ചുരുങ്ങി

- കെ.ബി. ഉദയഭാനു ഇ-മെയിൽ: ajournalist5@gmail.​com

തെക്കുപടിഞ്ഞാറൻ കാലവർഷം സംസ്ഥാനത്തു പ്രവേശിച്ച് രണ്ടു മാസം പിന്നിടുമ്പോൾ തുടർച്ചയായി 10 ദിവസം പോലും ടാപ്പിങ്ങിന് അവസരം ലഭിക്കാതെ വൻകിട ചെറുകിട റബർ കർഷകർ നട്ടം തിരിയുന്നു. ഉൽപാദനത്തിലെ തളർച്ചയോടൊപ്പം വിപണിയിൽ ഷീറ്റ് ക്ഷാമം രൂക്ഷമാവുകയും ചെയ്തതോടെ നിരക്ക് ഉയർത്തി റബർ ശേഖരിക്കാൻ വ്യവസായികൾ നിർബന്ധിതരായി. ജൂൺ ആദ്യം കിലോ 199 രൂപയിൽ നില കൊണ്ട് നാലാം ഗ്രേഡ് ഇതിനകം 213 രൂപയ്ക്കു മുകളിൽ ഇടം പിടിച്ചെങ്കിലും വിപണികളിൽ വിൽപനക്കാർ കുറവായിരുന്നു. മുന്നിലുള്ള മാസങ്ങളിൽ മഴ കുറയുന്നത് ടാപ്പിങ് ദിനങ്ങൾ വർധിപ്പിക്കുമെന്ന നിഗനമത്തിലാണ് കാർഷികമേഖല. ആഗോള ടയർവ്യവസായം രാജ്യാന്തര വിപണിയിൽ പുലർത്തുന്ന തണുപ്പൻ മനോഭാവം പല അവസരത്തിലും ഏഷ്യൻ മാർക്കറ്റുകളുടെ മുന്നേറ്റത്തിനു തടസ്സമായി. ചൈനീസ് ഇറക്കുമതിക്ക് അമേരിക്ക അധിക തീരുവ ഏർപ്പെടുത്തുമെന്ന ആശങ്ക മൂലം ബീജിങ്ങിലെ വ്യവസായികൾ റബർ ഇറക്കുമതിക്ക് ഇനി യും ഉത്സാഹം കാണിക്കുന്നില്ല. ഇറക്കുമതിത്തീരുവ വിഷയം പൂർണമായി പരിഹരിക്കാനായാൽ വിദേശ വിപണികൾക്ക് ഒപ്പം കേരളത്തിലും റബറിന് ഡിമാൻഡ് ഉയരും.

കുരുമുളക്