ആടുകൾക്ക് മഴക്കാലരക്ഷ

വളർത്തുമൃഗങ്ങൾ

- ഡോ. സി.കെ. ഷാജു, പെരുവ ഡപ്യൂട്ടി ഡയറക്ടർ (റിട്ട.), മൃഗസംരക്ഷണ വകുപ്പ്, ഫോൺ: 9447399303

? മഴക്കാലത്ത് ആടുകളുടെ ആരോഗ്യ സംരക്ഷണത്തിൽ ശ്രദ്ധിക്കേണ്ടതെന്തൊക്കെ.
ലീലാമ്മ തോമസ്, ആമ്പല്ലൂർ

ആടുകൾക്ക് ഉയർന്ന രോഗപ്രതിരോധശേഷിയുണ്ടെങ്കിലും കാലാവസ്ഥ മാറുന്ന സമയത്ത്, വിശേഷിച്ചും മഴക്കാലത്ത് പല രോഗങ്ങൾ പിടിപെടാം. വിരശല്യം ഒഴിവാക്കാൻ പ്രത്യേകം ശ്രദ്ധിക്കണം. ആട്ടിൻ കുഞ്ഞുങ്ങൾക്ക് മൂന്നാഴ്ച പ്രായത്തിൽ വിരമരുന്നു നൽകണം. 6 മാസം പ്രായമാകുന്നതുവരെ എല്ലാ മാസവും വിരയ്ക്ക് എതിരെ മരുന്നു നൽ കണം. വലിയ ആടുകൾക്ക് 6 മാസം ഇടവിട്ട് വിരമരുന്നു നൽകാം. ആട്ടിൻകാഷ്ഠം പരിശോധിച്ച് ആടിനെ ബാധിച്ച വിരയെ തിരിച്ചറിഞ്ഞ് ശരീരതൂക്കത്തിന് അനുസരിച്ചുള്ള അളവിൽ മരുന്നു നൽകണം. നാടവിരബാധയ്ക്ക് സാധാരണ വിരമരുന്നുകൾ ഫലപ്രദമല്ല.