ടെൻഷനില്ലാതെ പെൻഷൻകാലം

പൊലീസിൽനിന്നു വിരമിച്ചശേഷം മത്സ്യക്കൃഷി

- 

നേരവും കാലവും നോക്കാതുള്ള ജോലിയാണല്ലോ പൊലീസിന്റേത്. പാതിരാത്രിയിലും വെളുപ്പാൻകാലത്തുമൊക്കെ വിളി വരും. അതുകൊണ്ട് ജോലിക്കാലത്തു വീട്ടുകാര്യങ്ങൾക്കൊന്നും നേരത്തിനെത്താൻ കഴിഞ്ഞിട്ടില്ല. വിരമിച്ചശേഷം കൃഷിക്കിറങ്ങിയപ്പോൾ തിരക്കുണ്ടെങ്കിലും ജീവിതത്തിലെ നല്ല നിമിഷങ്ങളിൽ പങ്കുചേരാൻ പറ്റുന്നുണ്ട്. കൃഷി നൽകുന്ന സന്തോഷവുമുണ്ട്'', ബയോഫ്ലോക് ടാങ്കുകളിലെ മത്സ്യങ്ങൾക്കു തീറ്റ നൽകുന്നതിനിടയിൽ ബാബു പറയുന്നു. ജില്ലാ ക്രൈം ബ്രാഞ്ചിൽനിന്ന് 7 വർഷം മുൻപ് എസ്ഐ ആയി വിരമിച്ച കോട്ടയം മാത്തൂർ തൂമ്പുങ്കൽ ടി.എസ്.ബാബു ഇന്ന് ജില്ലയിലെ മികച്ച മത്സ്യക്കർഷകനാണ്. പലരും പിന്മാറിയ ബയോഫ്ലോക് കൃഷി വിജയകരമായി ചെയ്യുന്ന കർഷകൻ.

“ജോലിയിൽ നിന്നു വിരമിച്ച സ്ഥിതിക്ക് ജീവിതത്തിന്റെ വേഗം അൽപം കുറച്ചു കൂടെ എന്നു പലരും ചോദിക്കും. പക്ഷേ പാടില്ല. ജോലിക്കാലത്തെ അതേ വേഗവും ഊർജവും തുടർന്നും നിലനിർത്തണം. വിരമിച്ചല്ലോ, ഇനി രാവിലെ ഇത്തിരി വൈകി എഴുന്നേൽക്കാം എന്നു കരുതി മടി പിടിച്ചാൽ അവിടെത്തുടങ്ങും വാർധക്യം. വൈകി എഴുന്നേറ്റ്, ചിട്ടയില്ലാതെ ഭക്ഷണം കഴിച്ച്, പകലുറക്കം ശീലമാക്കുന്നതോടെ പ്രസരിപ്പു കുറയും, അസുഖങ്ങൾ തലപൊക്കും. കുടുംബവും കൂട്ടുകാരുമൊത്തുള്ള കൂട്ടായ്മകൾ ആസ്വദിച്ച് ജീവിതത്തിന്റെ പഴയ വേഗം നിലനിർത്തണം. അതിന് ഏറ്റവും പറ്റിയ പണി കൃഷി തന്നെ. അതിൽ നിന്നു വരുമാനം കൂടിയാകുന്നതോടെ ഉത്സാഹമേറും'', ബാബു ഓർമിപ്പിക്കുന്നു.

ബയോഫ്ലോക് വിജയിപ്പിക്കാം