ഇഞ്ചിക്കൃഷിക്ക് ഉണർവായി ജിൻജറോൾ

കാർത്തിക ഇനം ഇഞ്ചിയിൽനിന്നു പൊടിരൂപത്തിലുള്ള ജിൻജറോൾ വികസിപ്പിച്ചു

- 9446364216 (ഡോ. ഷൈലജ)

കാർത്തിക ഇനം ഇഞ്ചിയിൽനിന്നു പൊടിരൂപത്തിലുള്ള ജിൻജറോൾ വികസിപ്പിച്ചതിന് കേരള കാർഷിക സർവകലാശാലയ്ക്കും ആലുവയിലെ അർജുന നാച്ചുറൽ പ്രൈവറ്റ് ലിമിറ്റഡിനും പേറ്റന്റ്. കേന്ദ്ര ജൈവ സാങ്കേതികവകുപ്പിന്റെ ധനസഹായത്തോടെ ഇരു സ്ഥാപ നങ്ങളും നടത്തിയ ഗവേഷണപദ്ധതിയുടെ ഫലമാണ് ഈ പേറ്റന്റ്.

ഇഞ്ചിയിലെ വിവിധ സംയുക്തങ്ങളിൽ ഏറ്റവും ശക്തവും ഔഷധഗുണമേറിയതുമാണ് ജിൻജറോൾ. അതുകൊണ്ടുതന്നെ ആഭ്യന്തര, വിദേശ വിപണികളിൽ ഏറെ ആവശ്യക്കാരുണ്ട്. ചുക്കിലെ കുറഞ്ഞ അളവും സ്ഥിരതയില്ലായ്മയും മൂലം ജിൻജറോൾ ഉൽപാദനം സാധ്യമായിരുന്നില്ല.