മരച്ചീനി: വളയമിട്ടാൽ ഇരട്ടി വിളവ്

കാഞ്ഞിരപ്പള്ളിയിലെ കാരിക്കൽ ജോസഫിന്റെ കൃഷിരീതി ഏറെ ഗുണകരം

- 

നാലു വർഷം മുൻപ് കോവിഡ് കാലത്താണ് കോട്ടയം കാഞ്ഞിരപ്പള്ളി മഞ്ഞപ്പള്ളി സ്വദേശി കാരിക്കൽ ജോസഫ് ഡൊമിനിക് കൃഷിയിലേക്കു തിരി ഞ്ഞത്. അന്നുമുതൽ ഇന്നോളവും ഇഷ്ട ഇനം മരച്ചീനി (കപ്പ/കൊള്ളി) തന്നെ. വർഷം 10,000 മൂടിനു മുകളിൽ വരും ജോസഫിന്റെ കപ്പക്കൃഷി. പാട്ടഭൂമിയിലാണ് കൃഷിയയും. കൃഷിയിലേക്കു തിരിഞ്ഞ കാലത്ത് കോട്ടയം കോഴയിലുള്ള കൃഷി വകുപ്പിന്റെ ഫാമിൽ പരിശീലനത്തിനെത്തിയപ്പോഴാണ് നടീൽക്കമ്പിൽ വട്ടത്തിൽ ചെറിയൊരു മുറിപ്പാടു വീഴ്ത്തി വിളവു വർധിപ്പിക്കുന്ന രീതിയെക്കുറിച്ചു കേൾക്കുന്നതെന്ന് ജോസഫ്. പിന്നീട് കുമരകം കൃഷിവിജ്ഞാനകേന്ദ്രത്തിൽ തുടർ പരിശീലനത്തിനെത്തിയപ്പോൾ പരിപാടി ഉദ്ഘാടനം ചെയ്ത അന്നത്തെ കോട്ടയം ജില്ലാ കലക്ടറും കാർഷിക ഗവേഷകയുമായ ഡോ. പി.കെ.ജയശ്രീയോട് ഇതു സംബന്ധിച്ചു സംസാരിക്കാൻ അവസരം ലഭിച്ചു. ഈ രീതിയിലുള്ള നടീൽ ഗുണകരമെന്നു മാത്രമല്ല, മുറിപ്പാട് വീഴ്ത്തിയ ചുവടുഭാഗം വാം മുക്കി നടുക കൂടി ചെയ്താൽ കൂടുതൽ നേട്ടമുണ്ടാക്കാമെന്നും ഡോ.ജയശ്രീ പറഞ്ഞു. അന്നു മുതൽ ജോസഫിന്റെ കപ്പകൃഷി വളയമിട്ടുതന്നെ. അതുവഴി വിളവും വരുമാനവും ഗണ്യമായി വർധിപ്പിക്കാനായെന്നും ജോസഫ് പറയുന്നു.

കരുത്തും വിളവും