വിപണി വാഴും വാഴപ്പഴങ്ങൾ

സംസ്ഥാനത്തു വാഴപ്പഴങ്ങൾക്കെല്ലാം മികച്ച വില. പാളയംകോടനുപോലുമുണ്ട് കിലോയ്ക്ക് 60 രൂപ. ഉപഭോക്താക്കൾക്കു വിലക്കയറ്റം ബുദ്ധിമുട്ടാകു മെന്നതു ശരി തന്നെ. എന്നാൽ, പല വെല്ലുവിളികളും നേരിടുന്ന വാഴക്കൃഷിക്കാർക്ക് വിലവർധന ആശ്വാസകരമാണ്.

- ജോബി ജോസഫ് തോട്ടുങ്കൽ

കൃഷിയിലും വിപണിയിലും ഒരുപോലെ തിളങ്ങുന്ന കർഷകൻ

ആറു വർഷം മുൻപ് ആദ്യമായി വാഴക്കൃഷിക്കിറങ്ങി 2 വർഷംകൊണ്ട് 15 ലക്ഷം രൂപ നഷ്ടം. കൃഷി തുടരാനായി 6 ബാങ്കുകളിൽ വായ്പ തേടിപ്പോയി. 5 ബാങ്കും മുഖം തിരിച്ചു. ആറാമത്തെ ബാങ്ക് 10 ലക്ഷം രൂപ തന്നു. അന്ന് അതു കിട്ടിയിരുന്നില്ലെങ്കിൽ പലരെയും പോലെ, കേരളത്തിൽ കൃഷി ചെയ്യുന്നത് മണ്ടത്തരമെന്നു വിധിയെഴുതി ഞാനും കളം വിട്ടേനെ. ഇന്ന്, വാഴക്കൃഷിയിൽ നിന്നു മാസം ഒരു ലക്ഷം രൂപയാണ് വരുമാനം'', തൃശൂർ നടത്തയിലെ വാഴക്കർഷകൻ സിജോ ജോർജ് പറയുന്നു. “കൃഷി ശാസ്ത്രീയമാകണം, വിപണി മനസ്സിലാക്കി, ഇനങ്ങളും വിളവെടുപ്പും ക്രമീകരിക്കണം', രണ്ടാം വരവിൽ കൃഷി ലാഭത്തിലെത്തിച്ചത് ഇങ്ങനെയെന്നു സിജോ.

നേന്ത്രൻ തന്നെ മുന്നിൽ