വമ്പൻകൃഷിയിലൂടെ വളർന്നവർ

പൈനാപ്പിൾ, പാഷൻ ഫ്രൂട്ട് കൂട്ടുകൃഷി 700 ഏക്കർ

- ജയിംസ് ജേക്കബ് തുരുത്തുമാലി

കേരളത്തിൽ പൈനാപ്പിൾ കൃഷിയുടെ തലസ്ഥാനമായ വാഴക്കുളത്തുള്ള നോബിൾ ജോൺ ബിരുദപഠനകാലത്ത് 1987ൽ കുടുംബം വക 4 ഏക്കർ ഭൂമിയിൽ പൈനാപ്പിൾ കൃഷി തുടങ്ങിയതാണ്. കൃഷിക്കൊപ്പം ചെറിയ തോതിൽ പൈനാപ്പിൾ കച്ചവടവുമുണ്ടായിരുന്നു. 3 വർഷം കഴിഞ്ഞപ്പോൾ 15 ഏക്കർ ഭൂമി പാട്ടത്തിനെടുത്ത് കൃഷി വിപുലമാക്കി. ഇന്ന് പെന്റഗൺ കൾട്ടിവേഴ്സ് എന്ന പേരിൽ സംസ്ഥാനത്തിന്റെ പല ഭാഗങ്ങളിലായി 700 ഏക്കറിലാണ് നോബിളും മൂന്നു പങ്കാളികളും ചേർന്ന് പൈനാപ്പിളും പാഷൻ ഫ്രൂട്ടും കൃഷി ചെയ്യുന്നത്. കൃഷി മാത്രമല്ല, നല്ല രീതിയിൽ പൈനാപ്പിൾ ബിസിനസും സംസ്കരണവുമുണ്ട്. വരുമാനം ലക്ഷങ്ങളിൽനിന്നു കോടികളിലേക്കു വളർന്നിട്ടുണ്ടെന്നുറപ്പ്.

അഗ്രി ബിസിനസ്