നായനിരോധനം നാൾവഴികൾ

നടപടിയിലേക്കു നയിച്ച സംഭവങ്ങൾ, കാരണങ്ങൾ

- ഡോ. സാബിൻ ജോർജ്

ഡൽഹി ഹൈക്കോടതിയിൽ 2023 ഒക്ടോബർ 5ന് അധ്യക്ഷനായ ഡിവിഷൻ ബഞ്ചിനു മുന്നിൽ ഒരു പൊതു താൽപര്യ ഹർജി വന്നു. അപകടകാരികളായ നായ്ക്കളെ നിരോധിക്കണമെന്ന് ആവശ്യപ്പെട്ടു ഹർജി നൽകിയതു ലീഗൽ അറ്റോർണീസ് ആൻഡ് ബാരി സ്റ്റേഴ്സ് ലോ ഫേം. അതു തള്ളിയ കോടതി, ഈ ആവശ്യവുമായി ആദ്യം സർ ക്കാരിനെ സമീപിക്കാനാണ് ആവശ്യപ്പെട്ടത്. ലീഗൽ അറ്റോർണീസ് നൽകിയ പരാതിയിൽ റോട്ട്വെയ്ലർ, ബുൾഡോഗ്, പിറ്റ് ബുൾ ടെറിയർ തുടങ്ങിയ നായ ഇന ങ്ങൾ അപകടകാരികളാണെന്നും അവ 12 രാജ്യങ്ങളിൽ നിരോധിക്കപ്പെട്ടതായും ചൂണ്ടിക്കാട്ടി. ഒരു വെൽഫെയർ സ്റ്റേറ്റ് എന്ന നിലയിൽ അപകടകാരികളായ ഇത്തരം ബീഡുകളിൽനിന്ന് പൗരന്മാർക്ക് സുരക്ഷ നൽകേണ്ടത് കേന്ദ്ര, സംസ്ഥാന സർക്കാരുകളുടെ ഉത്തരവാദിത്തമാണെന്നു ചൂണ്ടിക്കാട്ടുകയും ചെയ്തു.

ഹൈക്കോടതി 2023 ഡിസംബർ 6ന് ഇക്കാര്യം വീണ്ടും പരിശോധിക്കുകയും എത്രയും വേഗം, പരമാവധി 3 മാസ ത്തിനുള്ളിൽ, തീരുമാനമെടുക്കാൻ കേന്ദ്ര സർക്കാരിന് നിർദേശം നൽകുകയും ചെയ്തു. ഊർജസ്വലരായ നാടൻ നായ ഇനങ്ങൾ നമ്മുടെ കാലാവസ്ഥയ്ക്ക് അനുയോജ്യരായതിനാൽ അവയെ വളർത്തുന്നത് പ്രോത്സാഹിപ്പിക്കണമെന്ന് കോടതി ഓർമിപ്പിച്ചു.

കേന്ദ്ര സർക്കാരിന്റെ അനിമൽ ഹസ്ബൻഡറി ആൻഡ് ഡെയറിയിങ് വകുപ്പിന്റെ ജോയിന്റ് സെക്രട്ടറി ഡോ. ഒ.പി. ചൗധരി 2024 മാർച്ച് 12ന് എല്ലാ സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും ചീഫ് സെക്രട്ടറിമാർക്ക് ഇതു സംബന്ധിച്ചു കത്ത് അയച്ചു. വീട്ടിൽ വളർത്തുന്നതും കൂടുതൽ അക്രമകാരികൾ എന്നു കരുതപ്പെടുന്നതുമായ നായ ഇനങ്ങളുടെ കടിയേൽക്കുന്നതും ആളുകൾ മരിക്കുന്നതുമായ ഗൗരവതരമായ സംഭവങ്ങൾ അടുത്ത കാലത്ത് വർധിച്ചു വരുന്നതായി ചൂണ്ടിക്കാട്ടിയാണ് കത്ത് ആരംഭിക്കുന്നത്.

നിരോധിക്കപ്പെട്ട ഇനങ്ങൾ