ഓണപ്പച്ചക്കറി: കൃഷിക്ക് ഒരുങ്ങാം

നടീൽമിശ്രിതവും ജൈവവളവും തയാറാക്കൽ, അമ്ലത കുറയ്ക്കാൻ കുമ്മായവസ്തു പ്രയോഗം

-  ആർ.വീണാറാണി അഡീഷനൽ ഡയറക്ടർ, കൃഷിവകുപ്പ്. e-mail: [e-mail], [e-mail]

വെള്ളായണി കാർഷിക കോളജിലെ എന്റമോളജ് (കീടശാസ്ത്ര) വിഭാഗത്തിൽ നമ്മുടെ വിപണികളിൽ കിട്ടുന്ന പച്ചക്കറികളിലെ അവശിഷ്ട വിഷവീര്യം കണ്ടുപിടിക്കുന്നതിനുള്ള ലാബ് ഉണ്ട്. പൊതുജനങ്ങൾ വിശ്വസിച്ചു വാങ്ങുന്ന പച്ചക്കറികളിലെ അന്തർവ്യാപനശേഷിയുള്ള (Systemic insecticide)വയടക്കമുള്ള രാസകീടനാശിനികളുടെ അവശിഷ്ടത്തിന്റെ കണക്ക് പത്രങ്ങളിലൂടെ ഈ ലാബ് വെളിപ്പെടുത്താറുമുണ്ട്. പച്ചമുളക്, മല്ലിയില, കറിവേപ്പില തുടങ്ങിയ പച്ചക്കറികളിലെ അവശിഷ്ട വിഷവീര്യം ഞെട്ടിപ്പിക്കുന്നതാണ്. വേവിക്കാതെ ഉപയോഗിക്കുന്ന മുളകിലൂടെയും മറ്റും രാസകീടനാശിനി നേരിട്ട് നമ്മുടെ ശരീരത്തിലെത്തുന്നുവെന്നതും അപ്രിയ സത്യം. ഈ സാഹചര്യത്തിൽ ഓണത്തിനെങ്കിലും വിഷമില്ലാത്ത പച്ചക്കറി കഴിക്കണമെന്ന് ആഗ്രഹമുണ്ടങ്കിൽ കൃഷിക്ക് ഒരുക്കം ഇപ്പോൾ തുടങ്ങണം.