അഴക്, ആരോഗ്യം, ആദായം ലവ്ലി ഡഫോഡിൽസ്

കുണ്ടും കുഴിയുമായിരുന്ന ചരിവുഭൂമി ഇന്നു വിളസമൃദ്ധമായ കാഴ്ചവിസ്മയം

- 

വീട്ടിലെത്തുന്ന അതിഥികളെല്ലാം അകത്തിരിക്കാതെ വീടിനുചുറ്റും നടന്നാലോ? കൽപറ്റയിലെ ലവിലി അഗസ്റ്റിന്റെ വീട്ടിലെത്തുന്നവർ അങ്ങനെയാണ്. കാഴ്ചകളാൽ അത് കമനീയമാണ് ഈ പുരയിടം. സർവീസിലിരിക്കുമ്പോൾ ഊർജസ്വലയായ കൃഷി ഓഫിസർ എന്നു പേരെടുത്തിരുന്നു ലവ്ലി അഗസ്റ്റിൻ. വിരമിച്ച ശേഷം ആ ഊർജം സ്വന്തം വീട്ടുവളപ്പിൽ നിറച്ചപ്പോൾ അതൊരു വേറിട്ട പുരയിടമായി മാറി. 13 വർഷം മുൻപ് കൽപറ്റ പട്ടണത്തിന്റെ പ്രാന്തത്തിലെ ആളൊഴിഞ്ഞ മൂലയിൽ 60 സെന്റ് വിലക്കു വാങ്ങുമ്പോൾ ഇവിടം വെറും കുഴിയായിരുന്നെന്ന് ലവ്ലി ഓർക്കുന്നു. വിലക്കുറവായിരുന്നു ആകർഷണം. പിന്നീട് ഒരു ഭാഗം മണ്ണിട്ടുയർത്തി വീടു വച്ചപ്പോൾ മുതൽ വീട്ടുവളപ്പിലെ കൃഷി ലവ്ലിയുടെ ഹരമായി. ഏകദേശം 20 സെന്റ് വീതമുള്ള 3 ഭാഗങ്ങളായി തിരിച്ചാണ് മണിയങ്കോട്ടെ ഡഫോഡിൽസിന്റെ രൂപകൽപന. ഇന്ന് ഇത് ആരോഗ്യവും ആദായവും നൽകുന്ന മനോഹരമായ കൃഷിയിടമാണ്.