കാതോടു കാതോരം

പാട്ടിൽ ഈ പാട്ടിൽ

-  ലതിക

ഭരതേട്ടന്റെ സിനിമകളിൽ ഞാൻ പാടിയ പാട്ടുകളിൽ ഏറെ പ്രിയപ്പെട്ടതും ഏറ്റവും ഹിറ്റ് ആയതും "കാതോടു കാതോരം' എന്ന പാട്ടാണെങ്കിലും ചാമരം ആണ് ഞാൻ പാടിയ ആദ്യ ഭരതൻ ചിത്രം. ഇത്തിരിപ്പൂവേ ചുവന്ന പൂവേ എന്ന സിനിമയാണു രണ്ടാമത്തേത്. അതിലെ പൊൻപുലരൊളി പൂവിതറിയ' എന്നു പാട്ട് ഏറെ ശ്രദ്ധിക്കപ്പെട്ടു. പിന്നീട്, അദ്ദേഹത്തിന്റെ ഒഴിവുകാലം എന്ന ചിത്രത്തിൽ പൂളം കുത്തും കാറ്റേ' എന്ന പാട്ട്. അതും കഴിഞ്ഞാണു കാതോടു കാതോരം പാടുന്നത്. ഇതിനു ശേഷവും തേട്ടന്റെ ഒട്ടുമിക്ക സിനിമകളിലും പാടാൻ എനിക്ക് അവസരം ലഭിച്ചു.