എന്തിത്ര വൈകി നീ...

പാട്ടിൽ ഈ പാട്ടിൽ

- ജി. വേണുഗോപാൽ

ഗുരുവും ജ്യേഷ്ഠസഹോദരനുമായി ഞാൻ ബഹുമാനിക്കുന്ന ആളാണ് എം.ജി.രാധാകൃഷ്ണൻ. ആകാശവാണിയിൽ അദ്ദേഹം ഈണമിട്ട് ധാരാളം പാട്ടുകൾ പാടിയിട്ടുണ്ട്. കണിശക്കാരനായ ഒരു സംഗീതജ്ഞനാണ് അദ്ദേഹം. സിനിമയിൽ ആദ്യമായി എന്നെക്കൊണ്ട് നാലുവരി പാടിച്ചതും രാധാകൃഷ്ണൻ ചേട്ടനാണ്. "ഓടരുതമ്മാവാ ആളറിയാം' എന്ന സിനിമയിൽ. അതുകഴിഞ്ഞ് "പറയാനും വയ്യ പറയാതിരിക്കാനും വയ്യ' എന്ന സിനിമയിലും പാടിച്ചു. അതിലും കുറച്ചു വരികൾ മാത്രമായിരുന്നു ഉണ്ടായിരുന്നത്.

അതിനുശേഷം ഒന്ന് മുതൽ പൂജ്യം വരെയിൽ മോഹൻ സിത്താരയുടെ സംഗീതത്തിൽ മൂന്നു പാട്ടുകൾ പാടി. അതിലൂടെയാണ് ഞാൻ ശ്രദ്ധേയനാകുന്നത്.