നിയമനം "ശുപാർശയിൽ ഒതുങ്ങി ഇടനെഞ്ചിൽ ബാൻഡടി മേളം

പൊലീസ്(ബാൻഡ്/ബ്യൂഗ്ലർ/ഡ്രമ്മർ) നിയമന ശുപാർശയിൽ 3 മാസം കഴിഞ്ഞിട്ടും തുടർനടപടിയില്ല

- ഷാജി പൊന്നോല

പി എസി നിയമന ശുപാർശ ലഭിച്ചു 3 മാസം കഴിഞ്ഞിട്ടും നിയമനം ലഭിക്കാതെ പൊലീസ് കോൺസ്റ്റബിൾ (ബാൻഡ്/ബ്യൂഗ്ലർ ഡ്രമ്മർ) ഉദ്യോഗാർഥികൾ ആശങ്കയിൽ. ശുപാർശ നൽകി 3 മാസത്തിനകം നിയമനം നൽകണമെന്നാണു വ്യവസ്ഥ.

കഴിഞ്ഞ ജൂലൈ 3ന് 133 പേർക്കു നിയമന ശുപാർശ നൽകിയിരുന്നു. ഒന്നര മാസത്തിനു ശേഷം ഓഗസ്റ്റ് 22ന് മെഡിക്കൽ പരിശോധനയ്ക്കുള്ള അറിയിപ്പ് തിരുവനന്തപുരത്തെ സ്‌പെഷൽ ആംഡ് പൊലീസ് ബറ്റാലിയൻ ഓഫിസിൽ നിന്ന് അയച്ചെങ്കിലും അതിനുശേഷം അറിയിപ്പൊന്നും ഉദ്യോഗാർഥികൾക്കു ലഭിച്ചിട്ടില്ല.