പ്ലസ് ടു കഴിഞ്ഞവർക്ക്GNM, ANM സർക്കാർ കോളജിൽ നഴ്സിങ്

കോഴ്സുകൾ ആരോഗ്യ, മെഡിക്കൽ വിദ്യാഭ്യാസ വകുപ്പുകളുടെ നിയന്ത്രണത്തിൽ

- 

സംസ്ഥാന ആരോഗ്യ വകുപ്പിന്റെയും മെഡിക്കൽ വിദ്യാഭ്യാസ വകുപ്പിന്റെയും നിയന്ത്രണത്തിൽ നടത്തുന്ന 2 വ്യത്യസ്ത തലങ്ങളിലെ നഴ്സിങ് പ്രോഗ്രാമുകളിൽ പ്രവേശനത്തിന് ഓഗസ്റ്റ് 20 വരെ ഓൺലൈൻ അപേക്ഷ സമർപ്പിക്കാം. ആരോഗ്യവകുപ്പിന്റെ നിയന്ത്രണത്തിൽ ജിഎൻഎം (ജനറൽ നഴ്സിങ് ആൻഡ് മിഡ്വൈഫറി), എഎൻഎം (ഓക്സിലറി നഴ്സിങ് ആൻഡ് മിഡ്വൈഫറി) എന്നീ 2 പ്രോഗ്രാമുകളുണ്ട്. മെഡിക്കൽ വിദ്യാഭ്യാസ വകുപ്പിനു കീഴിൽ പട്ടികവിഭാഗക്കാർക്കായുള്ള ജിഎൻഎം പ്രോഗ്രാം മാത്രമാണുള്ളത്. ഇവയിലേക്കു പൊതുവായി ഒരു അപേക്ഷ മതി. അപേക്ഷാഫീ ഓൺലൈനായോ സൈറ്റിൽ നിന്നു ലഭിക്കുന്ന ചലാൻ ഉപയോഗിച്ച് ഫെഡറൽ ബാങ്ക് ശാഖയിലോ അടയ്ക്കാം. പ്രവേശനസമയത്ത് 500 രൂപ നഴ്സിങ് കൗൺസിൽ റജിസ്ട്രേഷനും 500 രൂപ ഡെപ്പോസിറ്റും അടയ്ക്കണം. പട്ടികവിഭാഗക്കാർക്ക് ആനുകൂല്യങ്ങൾ ലഭിക്കും.

ആരോഗ്യവകുപ്പിലെ പ്രോഗ്രാമുകൾ