സമാധാനത്തിന്റെ സംഘാടനം

ലോകസമാധാനത്തിന്റെ കാവൽവിളക്കായ ഐക്യരാഷ്ട്ര സംഘടന രൂപീകരണത്തിന്റെ എൺപതാം വാർഷിക നിറവിൽ

- അജീഷ് മുരളീധരൻ

ഒന്നാം ലോക യുദ്ധാനന്തരം രൂപീകരിച്ച ആഗോള സംഘടനയായ ലീഗ് ഓഫ് നേഷൻസിന്റെ പതനം, മഹാ സാമ്പത്തിക മാന്ദ്യം, ഹോളോകോസ്റ്റ്, രണ്ടാം ലോകയുദ്ധം തുടങ്ങിയവയേൽപ്പിച്ച ആഘാതങ്ങളാൽ തകർന്നു തരിപ്പണമായിപ്പോയ ലോകത്തെ വീണ്ടും സമാധാനത്തിന്റെയും പുരോഗതിയുടെയും പാതയിലേക്കു കൈപിടിച്ചു നടത്തുകയെന്ന ദുഷ്കരദൗത്യത്തിന് 50 രാഷ്ട്രങ്ങളുടെ പ്രതിനിധികൾ തുടക്കം കുറിച്ചിട്ട് 80 വർഷം. “ 80 വർഷം മുൻപു യുദ്ധം അവശേഷിപ്പിച്ച ചാരത്തിൽ ലോകം പ്രതീക്ഷയുടെ ഒരു വിത്തു നട്ടു'' എന്നാണ് യുഎൻ സെക്രട്ടറി ജനറൽ അന്റോണിയോ ഗുട്ടെറസ് അടുത്തിടെ അനുസ്മരണ പ്രസംഗത്തിൽ പരാമർശിച്ചത്. ഐക്യ രാഷ്ട്ര സംഘടനയുടെ സ്ഥാപകരേഖയായ യുഎൻ ചാർട്ടർ ഒപ്പുവച്ചത് 1945 ജൂൺ 26നാണ്. യുഎസിലെ സാൻഫ്രാൻസിസ്കോയിൽ 50 അംഗരാഷ്ട്രങ്ങൾ ചേർന്നാണു യുഎൻ ചാർട്ടറിൽ ഒപ്പുവച്ചത്.

പരീക്ഷണങ്ങൾ കടന്ന്