ഇന്തൊനീഷ്യയുടെ കടുംവെട്ട്!

കേരളത്തിന്റെയത്ര വലുപ്പമുള്ള വനം വെട്ടിത്തെളിക്കാൻ തുടങ്ങിയിരിക്കുന്നു, ഇന്തൊനീഷ്യ

- അജീഷ് മുരളീധരൻ

ഏതാണ്ട് കേരളത്തിന്റെയത്ര വലുപ്പമുള്ള ഭൂപ്രദേശത്തെ വനം വെട്ടിവെളുപ്പിക്കാൻ ഇന്തൊനീഷ്യ തയാറെടുക്കുന്നതു കേൾക്കുമ്പോൾ ഞെട്ടാതെങ്ങനെ നെല്ല് ഉൾപ്പെടെയുള്ള ഭക്ഷ്യ ഉൽപന്നങ്ങളുടെ കൃഷിക്കും ജൈവ ഇന്ധനമായ ബയോ എഥനോൾ നിർമാണത്തിനുമായാണ് 30,688 ച.കി.മീ. വനപ്രദേശം ഇന്തൊനീഷ്യ വെട്ടി നിരപ്പാക്കുന്നത്. പാപ്പുവ, കലിമന്താൻ എന്നീ ദ്വീപുകളിലെ 43 ലക്ഷം ഹെക്ടർ വനം വെട്ടിത്തെളിച്ചാണു കൃഷി. അപൂർവ ധാതുക്കളുടെ ഖനനത്തിന്റെ ഭാഗമായും ആദിമനിവാസികളെ പൂർണമായി കുടിയൊഴിപ്പിച്ചു വൻതോതിൽ വനം തുടച്ചു നീക്കുകയാണ്.

ലക്ഷ്യം ഭക്ഷ്യ, ഇന്ധന സുരക്ഷ