തോക്കേന്തിയ ഭരണാധിപൻ

മാനവരാശിക്കെതിരായ കുറ്റകൃത്യത്തിന്റെ പേരിൽ അറസ്റ്റ് ചെയ്യപ്പെട്ട് ഫിലിപ്പീൻസ് മുൻ പ്രസിഡന്റ് റോഡീഗോ ഡ്യൂടേർട്

- ശ്വേത എസ്.നായർ

ലഹരിക്കു ശിക്ഷ മരണമെന്നു വിധിച്ചും സ്വയം "സംഹാരകനായി' വിശേഷിപ്പിച്ചും ആയിര ങ്ങളുടെ മരണത്തിനു കാരണക്കാരനായ റോഡീഗോ ഡ്യൂടേർട് ശിക്ഷാനടപടികളുടെ നടുവിലാണിപ്പോൾ. 2016-2022 കാലഘട്ടത്തിൽ ഫിലിപ്പീൻസിന്റെ പ്രസിഡന്റായിരുന്ന റോഡീഗോയ്ക്കെതിരെ രാജ്യാന്തര ക്രിമിനൽ കോടതിയാണ് (ഐസിസി) നടപടി സ്വീകരി ച്ചത്. ലഹരി യുദ്ധത്തിനിടെ ആയിരക്കണക്കിനു യുവാക്കളെ കുരുതികൊടുത്ത ഡ്യൂടേർട്ടിനെ രാജ്യാന്തര ക്രിമിനൽ കോടതിയുടെ വാറന്റ് പ്രകാരം മാർച്ച് 11ന് മനില വിമാനത്താവളത്തിൽ വച്ചാണ് അറസ്റ്റ് ചെയ്തത്. മാനവരാശിക്കെതിരായ കുറ്റകൃത്യത്തിന്റെ പേരിലാണു ഐസിസിയുടെ വാറന്റ്. എഴുപത്തിയൊൻപതുകാരനായ ഡ്യൂടേർട്ടിനെ കൂടുതൽ ചോദ്യം ചെയ്യലുകൾക്കായി ഹേഗിലെ ഐസിസി ആസ്ഥാനത്തേക്കും കൊണ്ടുപോയി. ഏഷ്യയിലെ ഒരു മുൻഭരണാധികാരി ഐസിസി വാറന്റ് പ്രകാരം അറസ്റ്റിലാകുന്ന ആദ്യ സംഭവമാണിത്.