സഹകരണ മേഖലയിൽ ജോലിക്ക് ജെഡിസി കോഴ്സ് പഠിക്കാം

ഡിപ്പാർട്മെന്റ് ഉദ്യോഗസ്ഥർക്കും സഹകരണ സംഘം ജീവനക്കാർക്കുമുൾപ്പെടെ അർഹരായവർക്ക് സംവരണം

- 

സഹകരണ മേഖലയിൽ ബാങ്കുകൾ ഉൾപ്പെടെയുള്ള സ്ഥാപനങ്ങളിലെ നിയമനത്തിനുള്ള ജൂനിയർ ഡിപ്ലോമ ഇൻ കോഓപ്പറേഷൻ (ജെഡിസി) കോഴ്സിലേക്ക് മാർച്ച് 31 വരെ ഓൺലൈനായി അപേക്ഷിക്കാം. കോഴ്സ് ദൈർഘ്യം: 2025 ജൂൺ 2 മുതൽ 2026 മാർച്ച് 31 വരെ (10 മാസം).

പ്രവേശനയോഗ്യത

ഡി+ എങ്കിലുമുള്ള 10-ാം ക്ലാസ് മതി. 2025 ജൂൺ ഒന്നിനു പ്രായം 16-40. പട്ടിക/പിന്നാക്ക വിഭാഗക്കാർക്ക് യഥാക്രമം 45/43 വരെ. വിമുക്ത ഭടന്മാർക്കും പ്രായത്തിൽ ഇളവ്. സഹകരണ ജീവനക്കാർക്ക് ഉയർന്ന പ്രായപരിധിയില്ല.