മെക്സിക്കോയെ നയിക്കാൻ വനിതാശക്തി!

അമേരിക്കയുടെ അയൽക്കാരായ മെക്സിക്കോയുടെ ഭരണത്തലപ്പത്തെ ആദ്യ വനിത പല വിശേഷണങ്ങൾക്കും ഉടമയാണ്

- അജീഷ് മുരളീധരൻ

നൊബേൽ സമ്മാനം ലഭിച്ച കാലാവസ്ഥാ ശാസ്ത്രജ്ഞ ക്ലൗഡിയ ഷെയ്ൻ ബോം (61) മെക്സിക്കോയുടെ ആദ്യ വനിതാ പ്രസിഡന്റായപ്പോൾ പിറന്നത് പുതുചരിത്രമാണ്. രണ്ടായിരത്തിൽ ഏകകക്ഷി ഭരണസമ്പ്രദായം അവസാനിച്ചശേഷമുള്ള പ്രസിഡന്റ് തിരഞ്ഞെടുപ്പുകളിലെ ഏറ്റവും വലിയ ഭൂരിപക്ഷമായ 60% വോട്ടാണു ക്ലൗഡിയ നേടിയത്. 6 വർഷമാണു ഭരണ കാലാവധി. ഒക്ടോബർ ഒന്നിനു സ്ഥാനമേൽക്കും.