గ్రహణం రోజున దేవాలయాలను ఎందుకు మూసివేస్తారు? శ్రీకాళహస్తి ఆలయాన్ని మాత్రం ఎందుకు తెరుస్తారు?

'సూర్యగ్రహణం సందర్భంగా ఆలయాల మూసివేత' గ్రహణం సమయంలో ఇలాంటి వార్తలు తరచూ కనిపిస్తుంటాయి. అక్టోబరు 25న సూర్యగ్రహణం పట్టింది.

- 

'సూర్యగ్రహణం సందర్భంగా ఆలయాల మూసివేత' గ్రహణం సమయంలో ఇలాంటి వార్తలు తరచూ కనిపిస్తుంటాయి. అక్టోబరు 25న సూర్యగ్రహణం పట్టింది. ఏ సమయంలో గుడిని మూసివేస్తారు? ఎంత సేపు మూసివేస్తారు? సంప్రోక్షణ ఎప్పుడు చేస్తారు? వంటి వివరాలను దేవాలయాలు వెల్లడిస్తూ ఉంటాయి. దాదాపుగా అన్ని దేవాలయాలను గ్రహణ సమయంలో మూసివేస్తారు. ఆ తరువాత మళ్లీ తెరుస్తారు. కానీ ఏపీలోని ఒక దేవాలయానికి మాత్రం మినహాయింపు ఉంది. గ్రహణం రోజున దాన్ని తెరిచే ఉంచుతారు. దేవాలయాలను ఎందుకు మూస్తారు? దీనికి కారణాలు చాలానే ఉన్నాయనేది గ్రహణాలను విశ్వసించే వారి నమ్మకం. 'తల్లి గర్భం అత్యంత పవిత్రమైన స్థలం. ఎందుకంటే అక్కడ ఒక సృష్టి జరుగుతుంది. కొత్త జీవి ప్రాణం పోసుకుంటుంది. కాబట్టి దాన్ని జాగ్రత్తగా కాపాడుకోవాలి. అలాగే గర్భగుడిలోనూ దేవుడు ఉంటాడు.దేవుడు కూడా సృష్టికర్తే. తల్లి గర్భం మాదిరిగానే గర్భగుడిని కూడా రక్షించు కోవాలి. గ్రహణం సమయంలో దుష్ట శక్తుల ప్రభావం ఉంటుంది. కాబట్టి దేవాలయాలను మూసివేస్తారని ఆస్ట్రాలజర్ సీవీబీ సుబ్రహ్మణ్యం అన్నారు.గ్రహణం రోజున ఆలయాలు మూసివేయడానికి కారణం ఆగమం, వైదిక శాస్త్రాలలో ఉందని కప్పగన్తు సోమయాజులు చెబుతున్నారు. 'నిత్యకర్మలను అనుసరించి బ్రాహ్మణులు సంధ్యావందనం, అగ్నిహోత్రం (యగ్నం చేసి అగ్నిని ఆహ్వానించడం) చేయాల్సి ఉంటుంది. అది కూడా సొంత అగ్నిహో త్రం ప్రకారం గ్రహణ హోమాలు చేసుకోవాలి. దేవాలయాల్లో అర్చకులుగా పని చేసే బ్రాహ్మణులుంటారు. గుడిలో ఉంటే సొంత అగ్నిహెూత్రం ప్రకారం గ్రహణ హెూమాలు చేయలేరు.