പൊന്നുരുക്കി 25കാരി കോടികൾ നേടിയ കഥ

ആഭരണങ്ങളോടുള്ള രേവതിയുടെ ഇഷ്ടം എത്തി ച്ചേർന്നത് ഗോൾഡ് ബി സിനസിലാണ്. അങ്ങനെ ആർക്കിടെക്കാകാൻ പഠിച്ച പെൺകുട്ടി ഇമിറ്റേഷൻ ഗോൾഡ് സംരംഭകയായി. 22 വയസിൽ ബിസിനസിലെത്തി. കോവിഡ് കാലത്ത് സർവവും അടഞ്ഞു കിടന്നപ്പോൾ അവൾ ബിസിനസിന്റെ ലോകം തുറന്നു.

- 

സ്വർണം വിലയിൽ റെക്കാർഡിലെത്തിയ നാളുകളിൽ പാലക്കാടിന്റെ നടുമുറ്റത്തു നിന്നും സ്വർണത്തിൽ ചാലിച്ചൊരു കഥപറയാം. പൊന്നിന്റെ കഥയെന്നതു പോലെ തന്നെ സ്വപ്നങ്ങൾ പൊന്നാക്കി മാറ്റിയ പെൺകുട്ടിയുടെ കഥ കൂടിയാണ്. ആർക്കിടെക്റ്റാകാൻ പോയ പെൺകുട്ടി പൊന്നുകൊണ്ട് കോടികളുടെ ബിസിനസ് പടുത്തുയർത്തിയ കഥ.

ഓരോ ആർക്കിടെക്കിന്റെയും മനസിൽ ചില കണക്കുകൂട്ടലുകളുണ്ട്. കെട്ടിപ്പെടുക്കാൻ പോകുന്ന കെട്ടിട സമുച്ചയത്തിന്റെ ചിത്രം മനസിൽ തെളിഞ്ഞു കിടക്കും. എന്നാൽ, മറിച്ചായിരുന്നു രേവതിയുടെ മനസിലെ സ്വപ്നങ്ങൾ. പൊന്നിൻ ചന്തമായിരുന്നു ആ സ്വപ്നങ്ങൾക്ക്.

കണ്ണടച്ചാൽ പാലയ്ക്കാമാലയും, നാഗപടത്താലിയും, പൂത്താലിയും എല്ലാമങ്ങനെ തെളിഞ്ഞു കിടക്കും. ആഭരണങ്ങളോടുള്ള രേവതിയുടെ ഇഷ്ടം എത്തിച്ചേർന്നത് ഗോൾഡ് ബിസിനസിലാണ്. അങ്ങനെ ആർക്കിടെക്കാകാൻ പഠിച്ച പെൺകുട്ടി ഇമിറ്റേഷൻ ഗോൾഡ് സംരംഭകയായി. 22 വയസിൽ ബിസിനസിലെത്തി. കോവിഡ് കാലത്ത് സർവവും അടഞ്ഞു കിടന്നപ്പോൾ അവൾ ബിസിനസിന്റെ ലോകം തുറന്നു. നാല് വർഷ ങ്ങൾക്കുള്ളിൽ കെട്ടിപൊക്കിയത് മൂന്ന് കോടിയുടെ വിറ്റുവരവ്. പാലക്കാടൻ കാറ്റിന്റെ ചൂടും ചൂരുമുണ്ട് രേവതിയുടെ ജീവിതത്തിൽ.

സ്വപ്നങ്ങൾ ' പൊന്നാക്കിയ പെണ്ണ്