തവാങ്ങിലെ തൂവൽമേഘങ്ങൾ

സാങ്തി താഴ്വരയിലെ മേഘങ്ങൾ മേയുന്ന ആകാശം നോക്കിക്കിടക്കുമ്പോൾ ഓർത്തുപോകുന്നു, തവാങ്ങിലേക്ക്, ദിറാങ്ങിലേക്ക് വഴിതിരിച്ചുവിട്ടത് ആരായിരിക്കും? പ്രശാന്തതയുടെ അഴകളവുകൾപോലെ മലനിരകളും താഴ്വരകളും നിറഞ്ഞ ഹിമാലയൻ മണ്ണിലൂടെയുള്ള യാത്രയ്ക്ക് ഒരു ഉൾവിളിയുടെ പ്രേരണയുണ്ട്.

- Text & Photos : Dipin Augustine

മേഘാലയയിലെ അഗാധമൗനം പൂണ്ടുകിടക്കുന്ന വനഭംഗികളിലൂടെയുള്ള ഏകാന്ത പ്രയാണത്തിനിടയിലാണ് ഒരു ഹിമാലയൻ യാത്രയുടെ മുഴക്കങ്ങൾ ഹൃത്തടത്തിൽ നിന്നുയർന്നത്. മേഘാലയയിലും കൊൽക്കത്തെയിലുമായി തീരുമാനിച്ചിരുന്ന യാത്രയ്ക്കിടയിൽ അങ്ങനെയാണ് അരുണാചൽപ്രദേശിലെ തവാങ്ങിനെക്കുറിച്ചുള്ള ചിന്ത ഉടലെടുത്തത്.