ભણો, ગણો ને રળો

‘કાબેલિયત હશે તો સફળતા આફૂડી વાંહે વાંહે ધોડતી આવશે’ એવું એક સિનેમાનો સંવાદ કહે છે. કોઈ પણ ડિગ્રી મેળવવાનું અંતિમ ધ્યેય તો કસદાર પગાર મેળવવાનું કે કમાણીનું જ હોય. છેલ્લાં થોડાં વર્ષથી આપણા ત્યાં અલ્પનીય એવા અભ્યાસક્રમ શરૂ થયા છે, જે ન માત્ર જ્ઞાન-વિજ્ઞાન આપે છે, બલકે વિદ્યાધામમાંથી બહાર પડ્યા બાદ રોજગારની ખાતરી પણ. ‘ચિત્રલેખા’ના મુંબઈ-ગુજરાતના પ્રતિનિધિઓએ વિવિધ વિદ્યાધામની મુલાકાત લઈ આવા કેટલાક કરામતી કોર્સિસની વિગત મેળવી છે. ચેક ઈટ આઉટ..

- સમીર પાલેજા (મુંબઈ) । મહેશ શાહ (અમદાવાદ)

છેલ્લા એકાદ અઠવાડિયાથી દેશમાં અમુક સ્થળોએ શરૂ થયેલો અગ્નિપથ યોજનાનો વિરોધ હવે ધીરે ધીરે શમી રહ્યો છે ત્યારે સવાલ થાય છે કે શું લશ્કરની નોકરી કે અન્ય સરકારી નોકરી જ રોજગાર એકમાત્ર વિકલ્પ છે? આનો જવાબ છે ના. બદલાતાં આર્થિક સમીકરણો, જિયોપોલિટિક્સ, અવનવી શોધ ઉપરાંત ઘરઆંગણે સ્કિલ ઈન્ડિયા, સ્ટાર્ટ-અપ કલ્ચર, આત્મનિર્ભર ભારત, વગેરેની ગાજવીજના લ