ઊડતાં પહેલાં જ ખાબક્યું ડ્રોન..

કોઈનો ચોપટ થયેલો ધંધો ફરી બેઠો કરવા તમે આટલું ન કરી શકો?

- રાજુ પટેલ

‘આપણે પાકિસ્તાન કપડાં મોકલવાં પડશે ને હવે?’ દવેએ અચાનક કૅબિનમાં પ્રવેશીને પૂછ્યું.

આ સાંભળી મોતીવાલા અને હું સ્તબ્ધ થઈ ગયા. મોતીવાલા મને સમજાવી રહ્યા હતા કે સલાલુદ્દીનની સમસ્યાનો ઉકેલ આપવો પડશે, નહીં તો એના ફોન બંધ નહીં થાય અને એના ફોન ચાલુ રહે એ અત્યારની રાજકીય પરિસ્થિતિમાં આપણા માટે સારું નથી.