മക്കളെ പഠിപ്പിക്കണം പണം കൈകാര്യം ചെയ്യാൻ

മികച്ച വരുമാനം ഉണ്ടായാലും ചെലവഴിക്കാൻ അറിയാതെ ധൂർത്തടിച്ച് തീർക്കുന്നവർ ഒട്ടേറെയുണ്ട്. അതു പോലെ വരുമാനമുള്ളപ്പോൾ നിക്ഷേപത്തെക്കുറിച്ച് ചിന്തിക്കാതിരിക്കുകയും വരുമാനം നിലയ്ക്കുമ്പോൾ നിക്ഷേപിക്കാതിരുന്നത് മണ്ടത്തരമായെന്നു വിലപിക്കുകയും ചെയ്യുന്നവർ ഏറെയാണ്.

- 

ഒരു നിവിൻ പോളി ചിത്രത്തിലാണ്, പണം നിക്ഷേപിക്കാനുള്ള അപേക്ഷ പൂരിപ്പിക്കാൻ പറയുന്ന അച്ഛനോട് തന്നെ ഇതൊന്നും കോളജിൽ പഠിപ്പിച്ചിട്ടില്ലെന്ന് എൻജീനിയറിങ് ബിരുദധാരിയായ മകൻ പറയുന്ന രംഗമുണ്ട്. വിജയരാഘവൻ അവതരിപ്പിച്ച അച്ഛൻ കഥാപാത്രം മകന്റെ മറുപടി കേട്ട് അന്ധാളിച്ചു നിന്നപ്പോൾ ആസ്വദിച്ചു ചിരിച്ചവരാണ് നമ്മൾ മലയാളികൾ.